நீங்கள் அப்பாவாவதற்கு உகந்த வயது எது?

விஞ்ஞான முடிவுகளுடன் முரண்படும் சமூகக் கடப்பாடுகள்
அப்பாவாகப் போவது எப்போது?

ஒரு மனிதன் தந்தையாவதற்கு ஏற்ற வயது என்ன?

எனது பாட்டா அப்பாவாகும்போது வயது 18 வயது மட்டுமே. எனது அப்பா 23 வயதில் அப்பாவானார். அப்பாவாகும்போது எனக்கு 32 வயதாகிவிட்டது. இன்றைய இளைஞர்களுக்கு இன்னமும் அதிக காலம் தேவைப்படுகிறது.

நல்ல கல்வி, போதிய வருவாயுள்ள வேலை, புதிய மணவாழ்வில் சற்றுக் காலம் தொல்லையின்றி உல்லாச வாழ்வு. இவற்றையெல்லாம் முடித்துக் கொண்டு குழந்தை பெறுவதையிட்டு சிந்திக்கத் தொடங்குவதற்கு காலதாமதமாகி விடுகிறது இன்றைய இளைஞர்களுக்கு.

வயது அதிகரிப்பும் அப்பாவாதலும்

மேலும் முதிர்ந்த வயதில் அப்பாவாகும் பலர் மேலை நாடுகளில் இருக்கிறார்கள். வேலைப் பளு, இரண்டாவது தரம் மூன்றாவது தரம் என மணம்முடித்தல் போன்ற காரணங்களால் அங்கு தந்தையாவது தாமதமாகிறது பலருக்கு.

இருந்போதும் இன்னமும் பெரும்பாலானவர்கள் 20 முதல் 34 வயதிலேயே அங்கும் அப்பாவாகிறார்கள். ஆனால் 1980 ற்கும் 2002 ற்கும் இடைப்பட்ட காலத்தில் முதிர்ந்தவர்கள் அப்பாவாகும் தொகை அதிகரிக்க ஆரம்பித்தது. 40 - 44 வயதிற்கும் இடையில் 32 சதவிகிதத்தாலும், 45 - 49 வயதிற்கும் இடையில் 21 சதவிகிதத்தாலும், 50 - 54 வயதிற்கும் இடையில் 9 சதவிகிதத்தாலும் அதிகரிப்பதாக அமெரிக்க National Vital Statistics Report கூறுகிறது. புதிய தரவுகள் மேலும் அதிகரித்திருக்கும் என நம்பலாம்.

என் பாட்டா செய்தது சரியா அல்லது இன்றைய தலைமுறையினர் செய்வது சரியா?

நவீன விஞ்ஞான ஆய்வுகள் பாட்டாக்களின் பக்கம் நிற்கிறது.
40 வயதுகளை எட்டும் ஒரு மனிதனது விந்துவின் தரமானது 20 வயதுகளில் இருந்ததைத் போலிருப்பதில்லை.

அவர்களது மரபணுக்களில் பிறழ்வுகள் (genetic mutations) ஏற்படுகின்றன. இவை அவரது வாரிசுகளைச் சென்றடையப் போகின்றது என்பதையிட்டு விஞ்ஞானிகள் எச்சரிக்கிறார்கள்.

ஐஸ்லண்டைச் சேர்ந்த விஞ்ஞானிகள் இன்னமும் சற்று விபரமாகச் சொல்கிறார்கள். Autism or Schizophrenia ஆகிய பாதிப்புள்ள குழந்தைகள் உருவாவதற்கு 40 வயதுடைய ஒருவர் தன்னிலும் ½ மடங்கு வயதுடையவரைவிட இரண்டு மடங்கு அதிகமாக காரணமாகிறார்கள் என்கிறது.

ஓட்டிசம்

ஓட்டிசம் என்பது குழந்தையை மட்டுமின்றி முழு குடும்பத்தின் நிம்மதியையும் தொலைக்கக் கூடிய சிக்கலான நோயாகும். இவர்கள் ஏனைய குழந்தைகள் போலவே பிறந்து வளர்வார்கள். இரண்டு மூன்று வயதாகும்போதே இக்குழந்தையில் ஏதோ பிரச்சனை உள்ளது என பெற்றோருக்கு புரிய ஆரம்பிக்கும்.

இவர்கள் உள, மொழி மற்றும் செயலாற்றல் குறைந்த குழந்தைகளாகும்.

• கற்பனையுடன் விளையாடும் ஆற்றல் (Pretend play) குறைந்தவர்களாக இருப்பார்கள். உதாரணமாக ஒரு கரடிப் பொம்மையை அல்லது பிளேன் பொம்மையை வைத்து கற்பனைத் திறனுடன் விளையாடும் ஆற்றல் இருப்பதில்லை. 
• தாய் தந்தை, சகோதரங்கள் ஏனையோருடன் ஊடாடும் திறன் (social interaction)    இவர்களிடம்  இருப்பதில்லை. 
• வாய் மொழியாலும், செய்கைகளாலும் தனது தேவைகளையும் உணர்வுகளையும் மற்றவர்களுக்கு உணர்த்தும் திறன் (Verbal and nonverbal communication) இருப்பதில்லை.

இவற்றால் ஏற்படும் தனது இயலாமையால் முரட்டுக் கோபம், பொருட்களைப் போட்டு உடைத்தல், மற்றவர்களை அடித்தல் போன்ற செயல்களில் ஈடுபடுவார்கள். உண்மையில் குழந்தையின் நிலையை விட இவர்களை பராமரிக்கும் பெற்றார்களின் நிலையே பரிதாபமானது. இதைக் குணப்படுத்த மருந்துகள் இல்லாததால் அதற்கான விசேட பள்ளிகளில் சேர்த்தே அவர்களது நிலையை மேம்படுத்த முடியும்.

இத்தகைய பிள்ளைகள் பிறப்பது அண்மைக் காலமாக அதிகரித்து வருகிறது. அமெரிக்காவின் Centers for Disease Control and Prevention அறிக்கையின் பிரகாரம் பிறக்கும் 1000 பிள்ளைகளில் 11.3 பிள்ளைகள் ஓட்டிசம் தொடர்புடைய அறிகுறிகளுடன் இருப்பதாக கணித்துள்ளார்கள். இலங்கையிலும் அண்மைக் காலங்களில் இத்தகைய குழந்தைகளை முன்னரை விட அதிகம் காண முடிகிறது.

மனப் பிறழ்வு Schizophrenia

 மற்றொரு நோயான மனப் பிறழ்வு ஏற்படுவதற்கும் ஓட்டிசம் போலவே, வயது அதிகமான தந்தையர் காரணமாக இருக்கலாம் என்கிறார்கள் ஆய்வாளர்கள். சூழல். பரம்பரை அம்சங்களும் காரணமாகலாம். மாயத் தோற்றங்கள், மாய ஒலிகள் உள்ளடங்க எண்ணம், செயல்களில் தெளிவற்ற தன்மையுடைய  மனக்கோளாறு இதுவாகும்.

பதின்மங்களில் அல்லது கட்டிளம் பருவத்தின் ஆரம்பத்திலேயே இதன் அறிகுறிகள் வெளிப்பட ஆரம்பிக்கும். முற்றிலும் குணப்படுத்த முடியாத போதும் நோயைக் கட்டுப்பாட்டில் வைத்திருக்கக் கூடிய மருந்துகள் தற்போது உள்ளன.

இதனால் முன்னைய காலங்களில் தனக்குத்தானே பேசிச் கொண்டு அழுக்கு நிறைந்த உடைகளுடனும், குளித்து மாதக்காக நாற்றத்துடனும் வீதிகளில் 'விசரன்' என்ற பெயரோடு அலைந்து திரிபவர்களைக் காண்பது குறைந்து போயிற்று.

நோயாளியை மட்டுமின்றி குடும்பத்தையும் சமூகத்தையும் அதிகளவில் பாதிக்கிற நோயாக இதுவும் இருக்கிறது.

அம்மாக்கள்

அப்பாக்கள் இப்பொழுதுதான் இத்தகைய பிரச்சனைக்கு முகம் கொடுக்கிறார்கள். ஆனால் பெண்கள் பல காலமாகவே இளவயதில் தாய்மை எய்தாமைக்காக குற்றம் சாட்டப்படுகிறார்கள். காலம் தாழ்த்தி தாய்மை எய்தினால் Down syndrome போன்ற குறைபாடுகள் உள்ள குழந்தைகள் உருவாகலாம் என்பது பலகாலமாக அறியப்பட்ட செய்தியாகும்.

பெற்றோராகும் வயததை; தீர்மானிப்பதில் சமூகத்தின் தாக்கங்கள்
இருந்தபோதும் இன்றைய சூழலில் பெண்கள் பிந்திய பதின்மங்களிலோ, 20களின் ஆரம்பங்களிலோ குழந்தை பெறுவது சாத்தியமற்றுப் போகிறது. ஏனெனில் இன்றைய பல பெண்களும்  பொருளாதார ரீதியில் தமது காலில் நிற்பதையே விரும்புகிறார்கள். கல்வியை முடித்து தொழில் தேட 30 வயதைத் தாண்டிவிடுகிறது.

'நேர காலத்தோடு பிள்ளையைப் பெறு இல்லையேல் குறைபாடுடைய குழந்தை கிடைக்கலாம்' என பெண்கள் மீது ஆண்கள் சுமத்திய அதே குற்றச்சாட்டை இன்று பெண்கள் ஆண்கள் மீது திருப்பியடிக்க முடிகிறது.

குற்றச்சாட்டுகளைப் புறந்தள்ளிவிட்டு உயிரியல் ரீதியாகச் சிந்தித்தால் ஆண்களும் சரி பெண்களும் சரி பிள்ளை பெறுவதை ஒரு தசாப்த காலம் முன்தள்ள வேண்டிய நிலையில் இருக்கிறது. மேலைநாடுகளில் இது பெண்களில் முப்பதுகளின் பிற்கூறும், ஆண்களில் 40க்கு மேலுமாகி விடுகிறது.

இருந்தபோதும் காலக் கடிகாரத்தின் டிக் டிக் ஓசை பெண்களையே அதிகமாக விரட்டித் தொலைக்கிறது. இதனால் பெண்களே அதிக மன உளைச்சலுக்கு ஆளாகிறார்கள். இது அவர்களது கருத்தங்கும் ஆற்றலுடன் (fertility) சம்பந்தப்பட்டது. 30வயதின் எல்லையை அண்மித்து 40வயதை தாண்டும்போது அவர்களது கருத்தரிக்கும் ஆற்றல் நலிவடையத் தொடங்குகிறது.
ஆண்களின் முகத்தில் அடி

ஆனால் ஆண்கள் நிலை அவ்வாறில்லை. ஒரு குழந்தைக்கு அப்பனாகும் நேரத்தை அவனே தீர்மானிக்கக் கூடியவனாக இருக்கிறான். அல்லது சூழலின் பாதிப்புகளால் அது நிகழலாம். ஆனால் உயிரியல் நியதியாக (biological determinism ) ஒருபோதும் இருப்பதில்லை. உதாரணங்கள் Rupert Murdoch had a child at 72, Saul Bellow at 84, Les Colley, an Australian miner, at 92.

• 'தன்னால் எப்பொழுதும் முடியும்' என இறுமாந்திருந்த ஆண்களுக்கு விஞ்ஞான உண்மைகள் முகத்தில் அடிப்பது போலானது என்பதில் சந்தேகம் இல்லை. 
• அப்படியில்லாவிடினும் அவனது மனச்சாட்சியை உலுப்பக் கூடியதாகவே இருக்கிறது. 'குழந்தைக்கு அப்பனாகும் காலத்தைத் தான்  தள்ளிப்போடுதல் தன்னளவில் சௌகரியமானபோதும் அது தனக்குப் பிறக்கப்போகும் குழந்தையின் உடல்நலத்தை அதன் வாழ்நாள் முழுவதும் பாதிக்கலாம்'  என்ற எண்ணம் மனித இனத்தின் சரித்திரத்தில் முதல் முதலாக அவன் முன் எழுந்து நிற்கிறது. 
• வயதான பெண்கள் அனைவரும் இப்பிரச்சனைக்கு ஏற்கனவே முகம் கொடுத்துக் கொண்டிருப்பது தெரிந்த விடயமே. அவர்கள் தமது வசதிகளுக்கும் தேவைகளுக்கும் ஏற்ப விட்டுக் கொடுப்புகளுடன் சமாளிக்கத் தெரிந்திருக்கிறார்கள்.

இப்பொழுது ஆண்கள் அவர்களது பாதையைப் பின் பற்ற வேண்டியதுதான்.

மாற்றுச் சிந்தனைகள்

விஞ்ஞான முடிவுகள் வேறுவிதமாக இருந்தபோதும், தந்தையாகும் காலத்தை பின்போடுவதில் அனுகூலங்கள் இருக்கின்றனவா?

20 வயதில் இருந்ததைவிட 40 வயதாகும்போது மரபணுக்களில் பழுதுகள் ஏற்படக் கூடுமாயினும், ஆண்களின் வாழ்க்கை முறைகளில், பழக்கவழக்கங்களில், மற்றவர்களுடனான தொடர்பாடல் முறைகளில் மாற்றங்கள் ஏற்படுகின்றன. அவசரமும் பதற்றமும் அடங்கி அமைதி வருகிறது. கோபம் பொறாமை அடங்கிப் பொறுமை அதிகரிக்கின்றது. போட்டி வாழ்வின் வேகமும் அதீத எதிர்பார்ப்புகளும் தளர்கின்றன.

இம் மாற்றங்கள் ஆண்மை வீரியத்தின் தளர்முகத்தைக் குறிக்கின்றபோதும், நல்ல தந்தைக்கு வேண்டிய குணாதிசயங்களுக்கும் வழிவகுக்கின்றன. அவசரக் கோபங்கள் அடங்கிப் புரிந்துணர்வு வளர்வதால் குழந்தையை ஆதரவோடு அணைத்து வளர்க்க முடிகிறது.

20களிலும் முப்பதிகளிலும் இருந்ததைவிட 40களை அணுகும்போது தந்தைதுவப் பண்புகள் மெருகேறுகின்றன.

பொது நலம் 

மற்றொரு விடயம் பொது நலம் சார்ந்தது.

நீங்கள் இளவயதில் தந்தையானால் உங்கள் வாரிசும் விரைவில் பெற்றோர்ஆவதற்கான சாத்தியம் அதிகம். நீங்கள் சற்றுக் காலம் தாழ்த்தி தந்தையானால் அவர்கள் பெற்றோராவது பிந்தும். சற்று விளக்கமாகச் சொன்னால்.

வயது 40 களில் இருக்கும் உங்களுக்கு மகன் ஆரம்பப் பள்ளியில் கற்கிறான் என வைப்போம், ஆனால் இன்றைய விஞ்ஞானிகள் சொல்வதுபோல நீங்கள் இளவயதிலேயே மணமுடித்திருந்தால் உங்கள் மகன் இப்பொழுது பிரசவ அறையில் மனைவிக்கு துணையாக நின்றிருப்பான். அதாவது உங்கள் குடும்பத்தில் அடுத்த தலைமுறையும் வந்திருக்கும்.

இன்று உலகில் சனத்தொகை பெருகும் வேகத்திற்கு உங்கள் பங்களிப்பும் இருந்திருக்கும். அந்த வகையிலும் பிந்திய வயதில் தந்தையாதல் சனத்தொகை வளர்வதை உலகளாவிய ரீதியில் கட்டுப்படுத்த முடியும்.

குழந்தையைப் பெறுவதிலும் வளர்ப்பதிலும் பழுதடைந்த மரபணுக்கள் என்பது தந்தையின் பங்களிப்பில் ஒரு சிறிய அம்சமே. இருந்தபோதும் மிகவும் முதிர்ந்த வயதில் தந்தையாவதும் நல்லதல்ல. ஏனெனில் குழந்தையின் தலையில் பழுதான மரபணுக்களைச் சுமத்துவது மாத்திரமின்றி வளர்தெடுப்பதிலும் வழிநடுத்துவதிலும் சிக்கல்கள் ஏற்படும்.

நோயும் பிணியும் ஏன் மரணமும் கூட தந்தையின் பங்களிப்பை தடுத்து நிறுத்தலாம்.

விஞ்ஞானமா சமூகக் கடப்பாடுகளா என்ற எதிர் முரணான தேர்வுகளுக்கு இடையில் மனிதன் சிக்கி நிற்கிறான்.

தெளிவான விடையில்லை.

பகுத்தறிவின் துணையோடு தனக்கு ஏற்ற தெரிவைத் தானே தேர்ந்தெடுக்கத்தான் இன்றைய நிலையில் முடியும்.

டொக்டர்.எம்.கே.முருகானந்தன்.
MBBS(Cey), DFM (Col), MCGP (col)
குடும்ப மருத்துவர்

http://hainallama.blogspot.in/2013/06/blog-post.html

--
*more articles click*
www.sahabudeen.com

பிள்ளைகளுக்கான உணவுகள், உண்ண வைப்பது எப்படி?

எதைக் குடுத்தாலும் ஓக் ஓக் என ஓங்காளித்துக் கொண்டிருக்கிறான். என்னத்தைக் கொடுக்கிறது எண்டு விளங்கவில்லை' என அப்பா கவலைப் பட்டார்.

கவலைப்பட வைத்தது மெலிந்து ஒல்லித் தேங்காய் போல காய்ந்து கிடந்த அவனது தோற்றம்.

'நான் சமைக்கிறது ஒண்டுமே இவனுக்குப் பிடிக்கிது இல்லை. ரோல்ஸ் பற்றிஸ் பிட்சா என கடைச் சாப்பாடுதான் பிடிக்கிறது' என்றாள் அம்மா கவலையுடன். அவனது தோற்றமும் கவலைப்பட வைத்தது.

பெல்ட்டுக்கு மேலாகப் பிதுங்கித் தொங்கிக் கொண்டிருந்த வயிறும், கழுத்தில் கரும் பட்டை போல பரவியிருந்த அக்கன்தோசிஸ் நயகரான்ஸ்சும் இவனுக்கு எப்ப நீரிழிவு வரப் போகிறதோ என என்னைக் கவலைப்பட வைத்தது.

சில நடைமுறைப் பிரச்சனைகள்

• பிள்ளைகள் சாப்பிடுகிறார்கள் இல்லை என்பதே பல பெற்றோர்களின் ஆதங்கம். 
• சிரமம்பட்டுச் சமைத்தாலும் பிள்ளைகளுக்கு அந்தச் சாப்பாடுகள் பிடிப்பதில்லை என்பது ஒரு காரணம். 
• பெற்றோர்கள் இருவரும் வேலைக்குசெல்வதால் ஆன முறையில் சமைத்துக் கொடுக்க முடிவதில்லை என்பது மற்றொரு பிரச்சனை. 
• மாறாக சில பிள்ளைகள் ஆரோக்கியமற்ற குப்பை உணவுகளே கதியாகக் கிடக்கிறார்கள்.

மாற்றும் வழி என்ன?

பிள்ளைகளின் உணவு முறையை மாற்ற என்ன செய்யலாம்?

ஊட்டமும் சுவையும் ஒன்று சேர வேண்டும்

ஊட்டச் சத்துள்ள இடமாக உங்கள் வீட்டு உணவுகளை மாற்றுங்கள்.

1.    ஆரோக்கியமான உணவுகளைச் சமையுங்கள்.
2.    இரண்டாவது முக்கிய விடயம் ஊட்டமுள்ள உணவாக நீங்கள் சமைப்பது பெரிதல்ல. அது பிள்ளைகளைக் கவர்வதாக, அவர்களை ஆர்வத்தோடு சாப்பிட வைப்பதாக இருக்க வேண்டும்.

இந்த இரண்டும் ஒன்றை ஒன்று எட்ட முடியாத இரு முனைகள் என்று தோன்றுகிறதா. இல்லை. சற்று முயற்சித்தால் நிச்சயம் முடியும்.

சில ஆலோசனைகள்

பிள்ளைகளின் கைகளுக்கு நினைத்தவுடன் அகப்படுமாறு ஊட்டமுள்ள உணவுகளை வசதியான இடங்களில் வையுங்கள்.

உதாரணத்திற்கு பழங்கள்

• பழக் கூடையை ரீவீ மற்றும் கணனி உள்ள அறையில் கண்ணில் படுமாறு வையுங்கள். 
• ப்ரிடிஜ்சின் கடும் குளிர் பகுதியில் அடைத்து வைக்க வேண்டாம். 
• ஒரே விதமான பழமாக வைக்காமல் தினம் தினம் வெவ்வேறு நிறங்களுடைய கண்களைக் கவரும் பழங்களை மாற்றி வையுங்கள்.

உங்கள் பிளேட்

நீங்கள் சாப்பிடும்போது உங்கள் பிளேட்டில் அல்லது சைட் டிஸ்சில் அப்பிள் வாழைப்பம் போன்ற ஏதாவது பழத்தைச் சாப்பிடத் தயாராக வெட்டி வையுங்கள். தொண்டை கிழியக் கத்திச் சொல்வதை விட நீங்கள் அவற்றை உண்ணும் செயற்பாடானது பிள்ளைகளின் மனதில் ஆழப் பதியும். தாங்களாகவே உண்ண ஆரம்பிப்பார்கள்.

இந்த உணவு நல்லது அந்த உணவு கூடாது எனப் பிரித்து வைக்க வேண்டாம். அவை பற்றி ஆலாபனையான விளக்கங்களும் வேண்டாம்.

பேச்சோடு பேச்சாக

கொழுப்பற்ற இறைச்சிகள் சோயா கடலை போன்றவற்றில் உள்ள புரதங்களும் கல்சியம் சத்தும் அவர்கள் உயரமாக வளர்வதற்கும் எலும்புகள் திடமாக இருப்பதற்கும் உதவும் என்பதை பேச்சோடு பேச்சாகச் சொல்லி வையுங்கள். அதேபோல பழங்களிலும், கீரை இலைகளிலும் உள்ள அன்ரிஒக்சிடனற் சருமம் மிருதுவாகவும், முடி உதிர்வதைத் தடுக்கும் எனவும் அறியத் தாருங்கள். ஆனால் அவற்றைச் சாப்பிடு என நச்சரிக்க வேண்டாம்.

அங்கீகரித்துப் பாராட்டுங்கள்

அவர்கள் தாங்களாகவே ஊட்டச் சத்துள்ள உணவுகளைத் தேர்ந்தெடுத்துச் சாப்பிடும்போது அதை அங்கீகரித்துப் பாராட்டுவது போல புன்னகை செய்யுங்கள். ஆயிரம் வாரத்தைகளைவிட அந்த ஒரு அமைதியான அங்கீகாரம் போதுமானது. வார்த்தைகளில் மயங்கும் பிள்ளை எனில் சுட்டிப் பிள்ளை, கெட்டிக்காரன், புத்திசாலி போன்ற சிறு பாராட்டையும் சேர்த்துக் கொள்ளலாம்.

ஊட்டமற்ற உணவுகளைத் தேர்ந்தெடுக்கும்போது ...

அதே வேளை அவர்கள் ஊட்டமற்ற உணவுகளைத் தேர்ந்தெடுக்கும்போது

•  நச்சரித்துக் கொண்டே இருக்காதீர்கள். 
• கவனிக்காததுபோல அசட்டை செய்யுஙகள். 
• அல்லது முகத்தில் சற்று ஏமாற்றத்தை வெளிப்படுத்துங்கள். 
• அத்தகைய உணவுகளை வீட்டில் வாங்கி வைக்காதீர்கள்.

பிள்ளை வடை, மிக்சர், பொட்டற்றோ சிப்ஸ், போன்ற பொரித்த எண்ணெய் பற்றுள்ள உணவுகள்தான் வேண்டும் என அடம் பிடித்தால் அதற்குப் பதிலாக வீட்டில் செய்து கொடுங்கள்.

உதாரணமாக பொட்டற்றோ சிப்ஸ்க்குப் பதிலாக உருளைக் கிழங்குத் துண்டுகளை சற்று எண்ணெய் மட்டும் போட்டு அவனில் முறுக்கிக் கொடுங்கள்.

வெகுமதியாக குப்பை உணவு வேண்டாம்

பரீட்சையில் நன்றாகச் செய்தால் அல்லது வேறு ஏதாவதற்காக அவர்கள் விரும்பும் குப்பை உணவுகளை வெகுமதியாக ஒருபோதும் கொடுக்காதீர்கள். அது அவற்றை ஊக்கப்படுத்துவதில்தான் முடியும். பார்க்கிற்கு விளையாடப் போவது, நீந்தப் போவது அல்லது எங்காவது சுற்றுலாப் போவது போன்ற உடலுக்கும் மனதிற்கும் இனியவற்றையே பரிசாகக் கொடுக்கலாம்.

கூடியிருந்து சாப்பிடுங்கள்

குடும்பமாக சாப்பாட்டு மேசையில் கூடி இருந்து சாப்பிடுவது நல்லது. நல்ல உணவுப் பழக்கங்களைப் பிள்ளைகள் பழகிக் கொள்வதற்கு இரவு ஒருவேளையேனும் குடும்பமாகச் சேர்ந்திருந்து சாப்பிடுவது நல்ல பலனைக் கொடுத்ததாக ஒரு ஆய்வு கூறியது.

பரிமாறுதல்

உணவுகளைச் சாப்பாட்டு மேசையில் வைத்துப் பரிமாற வேண்டாம். சமையலறையில் வைத்து ஒவ்வொருவருக்குமான உணவை அவர்களது பிளேட்டில் போட்டு வந்து கொடுங்கள். ஒவ்வொரு உணவு வகையிலும் குறிப்பிட்ட அளவாவது போட வேண்டும். எதை எந்தளவு சாப்பிட வேண்டும் என்பது பற்றிய ஒரு புரிதலை அது குழந்தைகளில் ஏற்படுத்தும்.

பசிக்குச் சாப்பிடக் கொடுங்கள்  ஆனால் ...

உங்கள் பிள்ளையின் எடை அதிகமாக இருந்தால் உணவின் அளவைக் கட்டுப்படுத்தாதீர்கள். பசிக்குச் சாப்பிடக் கொடுங்கள். எடையை அதிகரிக்காத காய்கறிகள், பழங்கள் அடங்கிய ஆரோக்கியமான உணவுகளை அதிகமாக அந்தக் குழந்தைக்குக் கொடுங்கள். வேண்டுமானால் ஒரு குழந்தை மருத்துவரின் ஆலோசனையைப் பெறுங்கள்.

சில அவசர உணவுகள்

இது அவசர யுகம் அதிகாலையில் பாடசாலைக்கு ஓட வேண்டும். அதற்கிடையில் உணவு தயாரிக்க சில தாய்மார்களால் முடியாது. பிள்ளைகள் பாடசாலையால் திரும்பி வந்ததும் அவசரமாக எதையாவது வயிற்றில் திணித்துவிட்டு ரியூசனுக்கு ஓட வேண்டும். அதற்கிடையில் ஏதாவது கொடுக்க வேண்டும்.

நின்று நிதானித்து ரசித்துச் சுவைத்துச் சாப்பிட நேரம் இல்லை. அவர்களுக்குப் பிடித்ததாக் கிடத்தால் அவசரமாகவாவது சாப்பிட்டுவிட்டு ஓடுவார்கள்.

சமையலறையில்  காலத்தை வீணடிக்காமலே அவசரமாக அதே நேரம் சுவையாகவும் குழந்தைகள் விரும்பும் வண்ணம் தயாரித்துக் கொடுப்பதற்கான குறிப்புகளை அமெரிக்காவின் Academy of Nutrition and Dietetics தந்திருக்கிறது. அத்தோடு அவை ஊட்டமான உணவுகளுமாகும்.

அது குளிர் உணவு. இது சூட்டு உணவு, சளி பிடிக்கும் என்றெல்லாம் நீர்த்துப்போன பழங்கதைகள் பேசாதீர்கள்.

இவை யாவுமே ஆரோக்கியமானவை. குழந்தைகளுக்கு நோயைக் கொடுக்கப் போவதில்லை. துணிவோடு கொடுங்கள். பழகிப் போகும். மாச் சத்து, கொழுப்பு, புரதம், விற்றமின்கள் யாவும் கலந்துள்ளன. குழந்தைகள் நலமாக வாழ்வார்கள்

சில ஆரோக்கிய அவசர உணவுகள்

• உரித்த முழு வாழைப்பழத்தை யோகொட்டினுள் (yogurt) அமுக்கி எடுங்கள். அதை ஏதாவது crushed cereal அரிசிமாக் குருணல், அல்லது ரவை போன்ற ஒன்றில் போட்டு உருட்டி எடுங்கள். பிரிட்ஜில் வைத்து உறையவிட்டு பின் உண்ணக் கொடுங்கள். குளிரக் குளிர போஸாக்கான உணவு என்பதால் மறுக்காமல் விரும்பி உண்பார்கள். 
• பப்பாசி, மாம்பழம், விளாம்பழம், வாழைப்பழம் போன்ற ஏதாவது ஒன்றின் குளிரவைத்த பழச்சாறை அரைக் கப் அளவு எடுங்கள், மீதி அரைக் கப்பிற்கு யோகட்டை எடுத்து நன்கு அடித்துக் கலவுங்கள். சுவையான இந்த fruit smoothie குழந்தைகளுக்கு விருப்பமானதாக இருக்கும் அதே நேரம் போசனை நிறைந்தது. 
• அலங்கார சான்விட்ச் பிள்ளைகளுக்கு விருப்புடையதாக இருக்கும் வண்ணாத்துப் பூச்சி, டைனோசயர், இருதயம், நட்சத்திர வடிவிலான குக்கி கட்டரை உபயோகித்தால் விதவிதமாக அவர்கள் விருப்பத்திற்கு ஏற்ப செய்யலாம். பதனிடப்பட்ட இறைச்சி, கொழுப்புக் குறைந்த சீஸ், பாண் ஆகியவை கொண்டு செய்யலாம். 
• பீநட் பட்டர், கோர்ன் பிளேக், பிறான் (Bran flake)  பிளேக் போன்ற யாவற்றையும் ஒரு கோப்பையில் இட்டு நன்கு கலவுங்கள். உருண்டையாக உருட்டி எடுத்த பின்னர் அவற்றை வறுத்த கச்சான், கடலை, அல்லது கஜீ குருணலில் உருட்டி எடுத்துச் சாப்பிடக் கொடுங்கள்.

பழகிப் போன பழைய உணவுகள்

இவை யாவும் பிரிட்ஜ் வசதியுள்ளவர்களுக்குத்தானே. இன்னமும் மின்சாரமும் பிரிட்ஜ்சும் கிடைக்காத குக்கிராமங்களில் உள்ளவர்கள் என்ன செய்வது என்ற கேள்வி எழுகிறதல்லவா?

பொரிச்ச அரிசிமா, உழுந்துமா புளுக்கொடியல்மா என எமது அம்மாக்கள், அம்மம்மாக்கள் தயாரித்து போத்தலில் போட்டு வைத்திருந்துதான் பிள்ளைகளுக்கு அவசர உணவுகளைக் கொடுத்தார்கள்.

இன்றைக்கும் கூட இவற்றைத் தயாரித்து வைக்கலாம்.

அவல் புட்டு பற்றி 'அடுப்பங்கரை இணையத் தளப் பதிவு

• அவல் மற்றொரு சுலப உணவு. தேங்காயப்பூ சீனி போட்டுத் தயாரிக்கலாம்.
• சற்றுப் போசனை அதிகம் வேண்டுமெனின் தயிர் அவலில் பழத்துண்டுகளைக் கலந்து கொடுக்கலாம். 
• அவசரத்திற்கு புருட் சலட்டிற்கு ஐஸ்கிறீம் சேர்த்துக் கொடுக்கலாம். பழச்சத்துடன் பால் சீனி கலந்திருப்பதால் புரதம், இனிப்பு விற்றமின் அனைத்தும் அதில் கிடைக்கும்.

டொக்டர்.எம்.கே.முருகானந்தன்.
MBBS(Cey), DFM (Col), FCGP (col)
குடும்ப மருத்துவர்

http://hainallama.blogspot.in/2013/06/blog-post_11.html

--
*more articles click*
www.sahabudeen.com

சுவைத்துச் சாப்பிடத் தடுக்கும் பற் கூச்சம்

இந்த வெக்கையுக்கையும் கூல் தண்ணி குடிக்கேலாத பாவி நான்".

சூரியன் தன் உக்கரத்தை முழுவீச்சில் காட்டிய கோடையின் மதியத்தில் வேர்வை முத்துக்கள் கழுத்திலும் வெற்றியிலும் பளபளக்க வந்திருந்தாள் அந்த நடுத்தர வயது மாது.

"கூல் தண்ணிக்கு மாத்திரமோ..'"என நான் கேட்க முதலே அவள், "கூலாகவும் குடிக்க முடியவில்லை, ஹொட்டாகவும் முடியவில்லை. தேசிக்காய்தண்ணி குடிக்கிறதை அடியோடைவிட்டு பல நாளாச்சு" என்றாள்.
காரணம் 'பல்லுக் கூசுறது தாங்க முடியவில்லை'; என்றாள்

தனக்கு எவை எவற்றால் பற் கூச்சம் ஏற்படுகிறது என்பதை அவளது அனுபவம் அவளுக்குத் தெளிவாகக் கற்றுத் தந்திருக்கிறது. அவள் கூறியது போலவே குளிரான, சூடான, புளிப்;பான மற்றும் இனிப்பான பானங்களும் உணவு வகைகளும் பற் கூச்சத்தைத் தூண்டி விடக் கூடியவைதான்.

யாருக்கு வருகிறது

பற் கூச்சம் நாங்கள் அடிக்கடி பார்க்கிற பிரச்சனைகளில் ஒன்று. எட்டுப் பேரில் ஒருவருக்கு பற்கூச்சம் இருப்பதாக அண்மையில் அமெரிக்காவில் செய்யப்பட்ட ஆய்வு கூறுகிறது. எட்டில் ஒருவருக்கு ஒவ்வொரு நாளும் பல்லுக் கூசிக்கொண்டே இருக்கிறது என்று அர்த்தமில்லை. அடிக்கடியோ இடைக்கிடையோ ஏற்பட்டு மறைந்து மீண்டும் தோன்றுகிறது
.
குழந்தைகளிலும் பதின்ம வயதினரிடையேயும் காண்பது குறைவு. வளர்ந்தோரில் இளவயதினரிடையேதான் அதிகம் இருக்கிறது. அதிலும் 18 முதல் 44 வயதானவர்களுக்கு வயதானவர்களை 3.5 மடங்கு அதிகமாகத் தோன்றுகிறதாம்.

ஆண்களைவிட பெண்களிடையே ஏற்படுவது அதிகம். ஆண்களைவிட 1.8 மடங்கு பெண்களில் அதிகம் என ஓரு ஆய்வு கூறியது. ஆய்வு பற்றிக் கருத்துக் கூறிய ஆய்வாளர்களில் ஒருவரான Cunha-Cruz    சற்றுக் குசும்பு மனிதர் போலிருக்கிறது. 'உண்மையில் பெண்களுக்கு பற்கூச்சம் அதிகமிருந்ததா அல்லது பெண்கள் வலிகள் பற்றிச் சொல்வதில் அதிக அக்கறை உடையவர்களாக இருந்தார்களா என்பது தெளிவில்லை என்றார்.

இவற்றை விட தமது பற்களை வெண்மையாக்குகிறேன் எனச் சுய வைத்தியம் செய்பவர்களிடையே பற் கூச்சம் தோன்றுவது அதிகம்.

Tooth whitening அவதானம் தேவை

பற் கூச்சம் ஒரு கடுமையான நோயல்ல என்ற போதும் அதன் காரணமாக சிலவகை உணவுகளை அவர்களால் உண்ண முடியாமல் தவிர்க்க நேர்வதனால் அது பற்றி அக்கறை எடுக்க வேண்டி நேர்கிறது.

எவ்வாறு ஏற்படுகிறது

பல்லைச் சுற்றி அதன் பாதுகாப்பிற்காக அதை மூடி இருக்கும் எனாமலுக்கு
(Enamel) ஏதாவது சேதம் ஏற்படும்போதே பெரும்பாலும் எற்படுகிறது.

அல்லது பல்லிற்கும் முரசிற்கும் இடையே, இடைவெளி ஏற்படாது தடுக்கும் மென்சவ்வாகிய சிமென்டம் (Cementum) என்பதில் பாதிப்பு ஏற்படும் போதும் பற்கூச்சம் ஏற்படுகிறது. முரசு கரையும் போது அல்லது முரசில் வேறுநோய்கள் ஏற்படும்போது இவ்வாறான இடைவெளி ஏற்படுகிறது. முரசிற்குள் இருக்கும் பல்லின் மீதிபகுதியான பல்வேரானது மேற்கூறிய எனாமலால் பாதுகாக்கப்பட இல்லை.

முரசு கரைந்து வேர் வெளிப்படாலும் பல் கூசும்.

மேற் கூறிய இரண்டும் பல்லின் உட்பகுதியில் இருக்கும் நுண்ணிய குழாய்களைத் தாக்குகின்றன. அதனால் பல்லின் நடுப்பகுதியிலுள்ள நரம்புகள் தூண்டப்பட்டு பற்கூச்சம் ஏற்படுகிறது. 

பற்சொத்தை பற்களில் உடைவு போன்றவற்றால் எனாமலுக்கு ஏற்படும் சேதத்தால் வலி ஏற்படுகிறது. இது பற் கூசச்ம் அல்ல. பலர் இரண்டிற்கும் இடையேயுள்ள வேறுபாட்டைப் புரிந்து கொள்வதில்லை.

பற் கூச்சம் உலகளாவியது. சாதி, மத, இன வேறுபாடுகள் இன்றி எவரையம் தாக்கக் கூடியது. அதிக அமிலத்தன்மையுள்ள உணவு மற்றும் பானங்;களை உட்கொள்பவர்களிடம் அதிகமாயிருக்கலாம். எனவே, வைன், மதுபானம் அதிகம் எடுப்பவர்களிடையே கூடுதலாகக் காணப்படுகிறது.

காரணங்கள் என்ன?

முரசிற்கு அருகே பற்சொத்தை ஏற்பட்டால் கூச்சம் உண்டாவதற்கான சாத்தியம் அதிகம். அதற்குக் காரணம் நரம்புகள் அருகே இருப்பதுதான்.

முரசு கரைதல் பற்றி ஏற்கனவே சொன்னோம். முரசு கரைதலுக்கு நீரிழிவு ஒரு முக்கிய காரணமாகும் ஆயினும் உணவு உண்டபின் வாயைக் கழுவாதிதிருத்தல், ஒழுக்கான தினமும் பிரஸ் பண்ணாமை போன்றவற்றால் பல் முரசு ஆகியவற்றின் சுகாதாரத்தைப் பேணாதிருப்பது மற்றொரு முக்கிய காரணமாகும்

ஏற்கனவே கூறியதுபோல வாய் சுகாதாரத்தைப் பேணாவிடில் பற்களுக்கிடையே காரை (Tartar) படியும். இது உள்நோக்கிப் பரந்து முரசைக் கரைய வைக்கும்.

சில பிள்ளைகள் இரவில் பல்லை நொறுமுவார்கள். சிலர் கோபத்தில் பல்லை நொறுமுவார்கள். அவ்வாறு பல்லைக் கடித்தல், நொறுமுதல் போன்றவற்றால் பல்லின் எனமாலில் தேய்மானத்தை ஏற்படுத்தி பற்கூச்சத்திற்கு காரணமாகும்.

பல்லை வெண்மையாக்குவுதற்கு உபயோகிக்கும் இரசாயனங்கள் மற்றும் பற்பசைகளும் பற்கூச்சத்திற்கு காரணமாகும்.

சில வாய் கொப்பளிக்கும் மருந்துகள்  (Mouth washes) அசிட்தன்மை மிக்கவை. அவற்றைத் தொடர்ந்து உபயோகித்து வரும்போது டென்னிடன் பகுதி சேதற்று பற்கூச்சம் ஏற்படுவதுண்டு.

நாம் உண்ணும் பல உணவு மற்றும் பான வகைகளும் அமிலத்தன்மை வாய்ந்தவை. உதாரணமாக எலுமிச்சை அன்னாசி போனற் புளிப்புத்தன்மையுள்ள பழங்கள், தக்காளி, ஊறுகாய், தேநீர் போன்றவையும் எனாமலை சேதமாக்கலாம்.

சில பற்சிகிச்சைகளாலும் பற்கூச்சம் ஏற்படுகிறது. இவை தவிர்க்க முடியாதவை. பல்லுக் கிளீன் பண்ணுதல், பல் முடியை Crown replacement மீளமைத்தல், போன்றவற்றால் ஏற்படும் பற் கூச்சம் தற்காலிகமானது. சில நாட்களில் நீங்கிவிடும்.

பல் துலக்க ஏன் இந்த ஆவேசம்

சிலர் தமது பற்களை பிரஜ் கொண்டு கடுமையாகத் துலக்குவதுண்டு. இவ்வாறான கடுமையான பிரஷிங் பற் கூச்சத்தை ஏற்படுத்தும் என்பதில் உண்மையில்லை.

பற்கூச்சத்தைத் தடுக்க நீங்கள் என்ன செய்யலாம்.

முக்கியமான விடயம் உங்கள் வாய்ச் சுகாதராத்தைப் பேணுவதுதான். தினமும் இரண்டு வேளைகளாவது பிரஸ் பண்ணுங்கள். எதைச் சாப்பிட்டாலும் வாயை நன்கு அலசிக் கொப்பளியுங்கள். இனிப்பான பானங்கள் குடித்த பின்னரும் தண்ணீர் குடிப்பதின் மூலம் வாயைச் சுத்தப்படுத்தலாம்.

வாயை அலசிக் கழுவுவது அவசியம்

மாறாக புளிப்புள்ள பானங்களான தேசிச்சாறு, தோடம்பழச்சாறு, வைன் போன்றவற்றைக் குடித்த பின்னர் உடனடியாக தண்ணீர் அருந்துவது நல்லது. இதன் மூலம் அவற்றிலுள்ள அமிலத்தன்மை பற்களைத் தாக்காது தடுக்கலாம்.

அத்துடன் மேற் கூறிய பானங்களை அருந்திய 10-15 நிமிடங்களுக்கு பிரஸினால் பல் துலக்குவதைத்த தவிர்த்துக் கொள்ளுங்கள்.

ஆயினும் புளிப்பான உணவுகளையும் பானங்களையும் தவிர்ப்பது பற்கூச்சம் உள்ளவர்களுக்கு நல்லதாகும்.

கடுமையாக பிரஸ் பண்ணினாலும் பல் தேய்வதற்கான ஆதாரங்கள் இல்லை என்றபோதும் சரியான பல் துவக்கும் முறையைக் கடைப்பிடிப்பது அவசியம். பிரஸ்சை மேல் கீழாக அசைத்துப் பல் துலக்குவதே நல்லது. பக்கவாட்டிற்கு தேய்ப்பது நல்லதல்ல.

பிரஸ் மென்மையாக இருப்பது அவசியம். கடுமையான பிரஸ்கள் எனாமலுக்கு சேதத்தை ஏற்படுத்தி பற் கூச்சத்தை மோசமாக்கலாம்.
தூக்கத்தில் பல் நொறுமுபவர்கள் தமது பற்களைப் பாதுகாப்பதற்கான சாதனங்கள் (Mouth guard) கிடைக்கின்றன.

மருத்துவரிடம் ஆலோசனை பெறுதல்

பற் கூச்சமுள்ளவர்களுக்கென sensodyne,  Colgate's Sensitive Pro-Relief போன்ற விசேட பற்பசைகள் கிடைக்கின்றன. அவற்றைத் தற்காலிகமாகப் பயன்படுத்தலாம். ஓன்று சரிவராவிட்டால் மற்றொரு பிராண்டை உபயோகிப்பதில் தவறில்லை. பொதுவாக புளொரின் கலந்த பற்பசைகள் பற்கூச்சம் உள்ளவர்களுக்கு நல்லது.

ஆறு மாதத்திற்கு ஒரு தடவையாவது பற் கூச்சமுள்ளவர்கள் தமது பல் மருத்துவரிடம் ஆலோசனை பெறுவது அவசியம்.

டொக்டர்.எம்.கே.முருகானந்தன்.
MBBS(Cey), DFM (Col), FCGP (col)
குடும்ப மருத்துவர்

http://hainallama.blogspot.in/2013/06/blog-post_22.html

--
*more articles click*
www.sahabudeen.com

பருக்களால் ஏற்படும் தழும்புகள் மறைய எளிய வழிகள்

பருக்கள் வருவதை விட, அவை விட்டுச் செல்லும் வடுக்கள்தான் அதிக பாதிப்பை ஏற்படுத்துகின்றன. பருக்கள் வந்ததால் முகத்தில் இருக்கும் ஓரிரு வடுக்களை நிச்சயமாக போக்க முடியும். முதலில் வடுக்கள் ஏன் ஏற்படுகின்றன என்றால், முகப்பரு வந்ததும் அதனை நகத்தால் கீறுகிறார்கள். நகம் பட்டாலே வடு விழுந்துவிடும்.
 அதனை உடனடியாக போக்க முடியாது. சிறிது காலம் பிடிக்கும். சிலருக்கு பருக்கள் வந்து முகத்தில் சிறிய பள்ளங்களே ஏற்பட்டிருக்கும். முக‌ப்பரு வ‌ந்தா‌ல் அதனை ‌நீ‌க்குவத‌ற்கு மு‌ன்பு, ஐ‌ஸ் க‌ட்டிகளா‌ல் ஒ‌த்தட‌ம் கொடு‌த்த ‌பிறகு அ‌தி‌ல் கை வை‌ப்பது ந‌ல்லது. இதனா‌ல் பரு‌க்க‌ளி‌ன் வ‌ழியாக ர‌த்த‌ம் வெ‌ளியாவது த‌வி‌ர்‌க்க‌ப்படு‌கிறது. 

பொதுவாக பரு‌க்க‌ள் வ‌ந்தா‌ல் அது மு‌ற்‌றிய ‌நிலை‌யி‌ல் அ‌தி‌ல் இரு‌க்கு‌ம் வெ‌ள்ளையான ‌திரவ‌த்தை எடு‌த்து ‌விடுவது ‌மிகவு‌ம் மு‌க்‌கிய‌ம். அ‌திலு‌ம் ம‌ற்ற இட‌ங்க‌ளி‌ல் அவை படாம‌ல் எடு‌க்க வே‌ண்டியது‌ம் அவ‌சியமா‌கிறது. மேலு‌ம், பருவை ‌நீ‌க்குவது ‌எ‌ன்பதை கவனமாக செ‌ய்ய வே‌ண்டு‌ம். பருவை கைகளா‌ல் ‌கி‌ள்‌ளி எடு‌த்து‌விடு‌கிறோ‌ம். 

அ‌தி‌ல் இரு‌ந்து வெ‌ள்ளையான ‌திரவ‌ம் வெ‌ளியான ‌பிறகு ர‌த்த‌ம் வரு‌ம். அதனை துடை‌த்து‌ப் போ‌ட்டு‌வி‌ட்டு அ‌ப்படியே ‌வி‌ட்டு‌விட‌க் கூடாது. அ‌ப்படி ‌வி‌ட்டு‌வி‌ட்டா‌ல்தா‌ன் பரு‌க்க‌ள் பரவு‌கிறது. பரு‌க்க‌ள் வ‌ந்தா‌ல் அதனை ‌நீ‌க்‌கியது‌ம் உடனடியாக அதனை சு‌த்த‌ப்படு‌த்‌தி‌வி‌ட்டு அ‌தி‌ல் ஏதாவது ஒரு பே‌ஸ் பே‌க்கை (‌க்‌ரீ‌ம்) போட வே‌ண்டு‌ம். 

அ‌ப்படி போடா‌வி‌ட்டா‌ல், பரு‌வி‌ல் ஏ‌ற்ப‌ட்ட துளை‌‌க்கு‌ள் தூசு, துக‌ள்க‌ள் போ‌ய் பெ‌ரிய ‌பிர‌ச்‌சினையா‌கி‌விடு‌ம். முகப்பரு வந்தவர்கள் அதிலும், அதிகமாக முகப்பருவினால் பாதிக்கப்படுபவர்கள் தங்களது முகத்தை நல்ல முறையில் பராமரிக்க வேண்டும். பருக்கள் வருபவர்கள் எந்த விதமான க்ரீம்களையும் பயன்படுத்தக் கூடாது. 

சிலரது முகத்தில் விரலைக் கூட வைக்க முடியாது. அந்த அளவிற்கு வலி எடுக்கும். அவர்கள் அழகுக் கலை நிபுணரிடம் செல்வதை விட, ஒரு தோல் மருத்துவரிடம் செல்வதுதான் நல்லது. பருவை ம‌‌ட்டு‌ம் ‌நீ‌க்‌கி‌வி‌ட்டா‌லு‌ம், உ‌ள்ளு‌க்கு‌ள் இரு‌ந்து ‌சீ‌‌ழ் போ‌ன்ற ஒ‌ன்று வ‌ந்து கொ‌ண்டே இரு‌க்கு‌ம். 

அதனை எ‌வ்வளவுதா‌ன் எடு‌க்க முடியு‌ம். ஒரு வேளை அது சரும‌த்‌தி‌ற்கு அடி‌யிலேயே த‌ங்‌கி‌வி‌ட்டாலு‌ம் ‌பிர‌ச்‌சினையா‌கி‌விடு‌ம். அ‌திகமாக எடு‌த்தாலு‌ம் பரு இரு‌ந்த இட‌த்‌தி‌ல் வடு ஏ‌ற்ப‌ட்டு‌விடு‌ம். எனவே பருவை அழகு‌க் கலை ‌நிபுண‌ரிட‌ம் செ‌ன்று ‌நீ‌க்‌கி‌க் கொ‌ள்வதை ‌விட, அ‌திகமாக பரு இரு‌ப்பவ‌ர்க‌ள் ஒரு மரு‌த்துவ‌ரிட‌ம் செ‌ல்வதுதா‌ன் ந‌ல்லது. 

பரு‌க்க‌ளி‌னா‌ல் ஏ‌ற்ப‌ட்ட வடு ‌நி‌ச்சயமாக போகு‌ம். அத‌ற்கு ஒரு ‌நீ‌ண்ட ‌சி‌கி‌ச்சை உ‌ள்ளது. முத‌லி‌ல் பரு உ‌ள்ளவ‌ர்க‌ள் பேஷிய‌ல் செ‌ய்து கொ‌ள்ளவே‌க் கூடாது. ஒருவரது சரும‌த்‌தி‌ல் அ‌திக‌ப்படியான எ‌ண்ணெ‌ய் பசை இருந்தால் பரு வரும்.  

மேலு‌ம், பே‌‌ஷ‌ிய‌லி‌ன் போது பய‌ன்படு‌த்து‌ம் ‌க்‌ரீ‌ம்க‌ள் அனை‌த்‌திலு‌ம் அ‌திக‌ப்படியான எ‌ண்ணெ‌ய் பசைதா‌ன் இரு‌க்கு‌ம். எனவே அவரகளது சரும‌த்தை பேஷிய‌ல் மேலு‌ம் ‌சி‌க்கலா‌க்கு‌ம். முக‌த்‌தி‌ல் அ‌திகமான பரு‌க்க‌ள் இரு‌ப்பவ‌ர்க‌ள் அவ‌சியமாக பேஷிய‌ல் செ‌ய்தே ஆக வே‌ண்டு‌ம் எ‌ன்று ‌நினை‌த்தா‌ல் முத‌லி‌ல் ஒரு மரு‌த்துவ‌ரிட‌ம் ஆலோசனை பெ‌ற்று‌வி‌ட்டு ‌பிறகு பேஷிய‌ல் செ‌ய்து கொ‌ள்ளலா‌ம். ‌ப்‌ளீ‌ச் செ‌ய்யலா‌ம். ஏனெ‌னி‌ல் ‌ப்‌ளீ‌ச் செ‌ய்வதா‌ல் முக‌த்‌தி‌ல் இரு‌க்கு‌ம் எ‌ண்ணெ‌ய் த‌ன்மை ‌நீ‌க்க‌ப்ப‌ட்டு‌விடு‌ம். எனவே ‌ப்‌ளீ‌ச்‌சி‌ங் செ‌ய்து கொ‌ள்ளலா‌ம்.

http://www.muruganandam.in/2013/03/do-you-want-to-hide-scars.html?

--

இது என் இறைவனின் அருட்கொடையிளிருந்து அருளப்பட்டது www.sahabudeen.com

எப்போதும் உற்சாகமாக திகழ்வதற்கு சில எளிய வழிகள்!

வாரம் இரு முறைநன்றாக உடம்பு மற்றும் தலையில் எண்ணெயை ஊற்றி மசாஜ் செய்து நன்றாக ஊறிய பின்னர் சீயக்காய் போட்டுக் குளிப்பதன் மூலம் உடலில் வலி, சோர்வு நீங்கி, உற்சாகம் பிறக்கும். குளியல் அறையில் கொதிக்க கொதிக்க வெந்நீரை ஊற்றி கதவை இரண்டு நிமிடம் மூடிவிடுங்கள், பின்னர் குளிக்க செல்லுங்கள். நன்றாக வியர்த்து, உடலில் உள்ள கழிவுகள் தோல் வழியாக வெளியேறும். தினமும் சூரிய வெளிச்சம் படும்படியாக 15 நிமிடங்கள் நில்லுங்கள். இது மனதை ஒரு நிலைப்படுத்தும். சருமத்தில் வைட்டமின் டி சத்தும் ஊடுருவும்.

வறண்டுபோன பாதத்தில் பெப்பர்மின்ட் ஆயிலைத் தடவி வந்தால் பஞ்சு போன்று மென்மையாக இருக்கும். கைக்குட்டையில் ரோஜா எண்ணெய் 3 சொட்டுகள் விட்டு அடிக்கடி நுகர்ந்து பாருங்கள். மனமும் உடலும் புத்துணர்ச்சி பெறும். கடலை மாவுடன், நன்றாகப் பொடித்த காய்ந்த ரோஜா மொட்டு, ஆவாரம்பூ, சம்பங்கி, மல்லி இவற்றை சேர்த்து வைத்துக்கொள்ளுங்கள். இந்த பொடியை உடம்பில் தடவி, மென்மையாக மசாஜ் கொடுங்கள். சென்ட் அடித்தது போன்று அன்று முழுவதும் உடல் வாசமாக இருக்கும். உடலுக்குப் புத்துணர்ச்சியைத் தருகிறது தெரப்பி. அதேபோல், நாம் உட்கொள்ளும் உணவிலும் அக்கறை காட்டினால் ஆரோக்கியம் அரவணைக்கும். அன்றாட உணவுடன் சேர்த்துக்கொள்ளவேண்டிய சில ஊட்டச்சத்துக்கள் * காலை 5 .30 மணிக்கு தேன் கலந்து ஒரு டம்ளர் எலுமிச்சை சாறு பருகுங்கள். இதனால், அன்று முழுவதும், வயிறு லேசாக இருக்கும். எந்தப் பிரச்னையும் சீக்கிரத்தில் அண்டாது. * காலை 7.30 மணிக்கு வெரைட்டியான மூன்று வகை பழத்துண்டுகள், ஒரு டம்ளர் பால் அருந்துங்கள். மூளை புத்துணர்ச்சி பெறும். * காலை 9.30 மணிக்கு ஒரு டம்ளர் கேரட் சாறு கண்ணை பிரகாசமாக வைத்திருக்கும். * காலை 11.30 மணிக்கு ஒரு கிண்ணம் வேகவைத்த காய்கறிகள், முளைவிட்ட பயிறு கலந்து தயிர் சாலட். இது சருமத்தை பளபளவென வைத்திருக்கும். * மதியம் 2.30 மணிக்கு ஒரு டம்ளர் மோர். மாலை 4.30 மணிக்கு ஜூஸ், பழங்கள். 6 மணிக்கு ஒரு டம்ளர் கேரட் ஜூஸ். இப்படி நீர்சத்து நிறைந்த மோர், ஜூஸ், வகைகளை அதிகம் எடுத்துக்கொள்ளும்போது உடலுக்கு குளிர்ச்சியும், மனதுக்கு மகிழ்ச்சியும் கிடைக்கும். * இரவு 7.40 மணிக்கு இரண்டு எண்ணெய் சேர்க்காத சப்பாத்தி, பழங்கள், தயிர்சாலட். சிறிது பருப்பு. வயிறை மிதமாக வைத்திருக்கும். இப்படி, ஒரு மாத உணவை பட்டியலிட்டு சாப்பிடும்போது, உடலில் உள்ள நச்சுப் பொருட்கள் வெளியேறிவிடும். உடலில் எடை கூடாது. சருமத்தில் நிறமும் பொலிவும் கூடும். உடலும் உள்ளமும் உற்சாகத்தில் மிதக்கும்.

http://www.onlytamil.in/2013/03/blog-post_25.html

--

இது என் இறைவனின் அருட்கொடையிளிருந்து அருளப்பட்டது www.sahabudeen.com

நெய் உடலுக்கு ஆரோக்கியமானது தானா?

நெய் உடலுக்கு ஆரோக்கியமற்றது என்று தான் அனைவரும் நினைக்கின்றோம். ஆனால் அது அளவுக்கு அதிகமானால் தானே தவிர, குறைவான அளவில் எடுத்தால் அல்ல.

ஏனெனில் சுத்தமான நெய்யில் ஃபேட்டி ஆசிட் அல்லது சுத்திகரிக்கப்பட்ட கொழுப்புகள் 89 சதவிகிதம் குறைவாக உள்ளது என்று ஊட்டச்சத்து நிபுணர்கள் கூறுகின்றனர்.

வீட்டிலேயே வெண்ணெயை உருக்கி நெய்யாக மாற்றுவது தான், சுத்தமான நெய். இதய நோய் மற்றும் அதிக எடை இல்லாமல் இருப்பவர்கள், சுத்தமான நெய்யை சாப்பிடலாம்.

அதுவே உடல் பருமன் அதிகம் உள்ளவர்கள், முற்றிலும் நெய்யை தவிர்க்க வேண்டும். மேலும் ஒரு நாளைக்கு ஒருவர் 10-15 கிராம் நெய் தான், உடலில் சேர்க்க வேண்டும்.

நெய் உடலுக்கு ஆரோக்கியமானது தானா?

தொடர்ச்சியாக நெய்யை உடலில் சேர்த்து வந்தால், உடல் மற்றும் மனம் உறுதியடையும், மற்றும் உடலும் ஆரோக்கியமாக இருக்கும். மேலும் இதை சாப்பிட்டால் உடலில் உள்ள அழுக்குகள் அனைத்தும் வெளியேறிவிடும். அதிலும் பார்வை, தசைகள் போன்றவை ஆரோக்கியமாக இருக்கும்.

கொலஸ்ட்ரால் பிரச்சனை உள்ளவர்களுக்கு, நெய் ஒரு சிறந்த வழி. ஏனெனில் அவர்கள் வெண்ணெய்க்கு பதிலாக நெய்யை பயமின்றி சாப்பிடலாம். வெண்ணெயுடன் ஒப்பிடும் போது நெய்யில் மிகவும் குறைவான அளவில் கொழுப்பு உள்ளது. இதனால் உண்ணும் உணவுகள் எளிதில் செரிமானமடைந்துவிடும்.

சுத்தமான நெய் நீண்ட நாட்கள் கெடாமல் இருக்கும். இதனை ஃப்ரிட்ஜில் வைத்து சேகரிக்க வேண்டும் என்பதில்லை. நெய்யானது உடல் செரிமான மண்டலத்தை சீராக இயக்குவதோடு, தினமும் உடற்பயிற்சி செய்தால் உடல் எடையை குறைப்பதற்கும் உதவும்.

நெய்யில் வைட்டமின் ஏ, டி, ஈ மற்றும் கே சத்துக்கள் உள்ளன. இந்த வைட்டமின்கள் அனைத்தும், கரையக்கூடிய கொழுப்புகள். ஆகவே தான் இது உடல் எடையை அதிகரிக்காது என்று சொல்கின்றனர் நிபுணர்கள். சொல்லப்போனால் நெய்யில் செறிவூட்டப்பெற்ற கொழுப்புகள் அதிகம் உள்ளதால், இது உடலில் வைட்டமின்களை உறிஞ்சிக் கொள்கிறது.

சமையலில் பயன்படுத்தும் சமையல் எண்ணெயை விட நெய் மிகவும் சிறந்தது. ஏனெனில் அந்த எண்ணெய்கள் அதிக வெப்பத்தில் கருகிவிடும்.  ஆனால் நெய்யானது அவ்வாறு இல்லை, அது எவ்வளவு வெப்பத்திலும் வாசனையுடன் இருக்குமே தவிர, கருகாமல் இருக்கும்.

உடலுக்கு ஒரு சில கொழுப்புகளானது மிகவும் அவசியமானது. ஏனெனில் அந்த கொழுப்புகள் தான் செரிமான மண்டலத்தில் இருந்து வெளிவரும் ஆசிட், குடல் வாலை பாதிக்காமல் தடுக்கிறது. மேலும் இது நரம்பு, சருமம் மற்றும் மூளையை வலுவாக்குகிறது.

http://www.tamilhotpage.com/?p=138

--

இது என் இறைவனின் அருட்கொடையிளிருந்து அருளப்பட்டது www.sahabudeen.com

சிடி ஸ்கான் குழந்தைகளில் .

எதற்கு என்ன செய்ய வேண்டும் என்பதையிட்டு பல பெற்றோருக்கு புரிவதேயில்லை. சொன்னாலும் தங்கள் குழந்தைகளை விட மோசமாக அடம் பிடிப்பார்கள் .

குழந்தைகள் சின்ன விழுகை விழுந்துவிட்டால் போதும் எக்ஸ்ரே சிடி ஸ்கான் எடுங்கள் என நட்டுப் பிடிப்பார்கள். இவ்வாறு ஒவ்வொரு விடயத்திற்கும் தேவையற்ற பரிசோதனைகள் வேண்டும் என வேண்டுவோர் பலராகும்.

இவ்வாறான சிடி ஸ்கான் பரிசோதனைகள் அவசியமானவையா? ஆபத்தானவையா?

சிடி ஸ்கான் எடுப்பதன் காரணமாக குழந்தைகளுக்கு புற்றுநோய் வருவதற்கான சாத்தியம் அதிகம் ஒரு ஆய்வு கூறுகிறது. JAMA Pediatrics. என்ற மருத்துவ சஞ்சிகையில் வெளியான ஆய்வுத் தகவல் இது. இது முன்பு தெரியத தகவல் அல்ல. ஆனாலும் இப்பொழுது தரப்படும் தரவுகள் பயமுறுத்துக்கின்றன.

ஒவ்வொரு 10000 வயிற்றறை ஸ்கான்கள் எடுத்ததன் காரணத்தால் ஆண்குழந்தைகளில் 14 மும் பெண் குழந்தைகளில் 30 மும் கட்டிகள் வளரும் என ஆய்வுகளின் தரவின் அடிப்படையில் மதிப்பிடுகிறார்கள்.

5 வயதிற்கு குறைவான குழந்தைகளில் தலையை சிடி ஸ்கான் எடுப்பதால், குருதிப் புற்றுநோய் வருவதற்கான சாத்தியம்   10,100 பேருக்கு 1.9 என்ற அளவில் இருக்கிறதாம்.

அதேபோல நெஞ்சு, முள்ளந்தண்டு போன்றவற்றை ஸ்கான் பண்ணும் போதும் புற்று நோய் வருவதற்கான சாத்தியம் அதிகரிக்கிறதாம்.

குழந்தைகளில் சிடி ஸ்கான எடுப்பது 1996 முதல் 2005 காலப் பகுதியில் மூன்று மடங்காக அதிகரித்து 2006 - 2007 காலப்பகுதியில் ஏறுமுகம் காண்பது குறைந்து 2007ற்குப் பின் குறைந்து இருக்கிறதாம் என அமெரிக்கத் தரவுகள் சொல்கின்றன.

சற்றுக் குறைந்ததற்குக் காரணம் மருத்துவர்கள் அவசரமற்ற சி டி ஸ்கான் பரிசோதனைகளை குறைத்ததாக இருக்கலாம்.

இலங்கையில் இது பற்றிய தரவுகள் குறைவு.

எவ்வாறாயினும் குழந்தைகளுக்கு நோய் வரும்போது தேவையற்றுப் பதற வேண்டாம். "அவர் சொன்னார் இவர் சொன்னார்" என தேவையற்ற பரிசோதனைகளுக்கு மருத்துவர்களை நச்சரிக்க வேண்டாம்.

பரிசோதனைகள் செய்வதோ வேண்டாமோ என்பதை அவர்களது முற்று முழுமான முடிவிற்கு விட்டுவிடுங்கள்.

http://hainallama.blogspot.in/2013/06/blog-post_6092.html

--
*more articles click*
www.sahabudeen.com

உயரம் குறைவா....?

உயரம் குறைவா....?

 உங்களுக்கு உங்கள் உயரம் குறைவாக இருக்கிறது என்ற எண்ணமா?
உயர்வதற்கு சில உணவு வகைகளை இங்கு குறிப்பிடுகிறோம்.வளர்ந்தால் அதை மற்றவர்களுக்கு பரப்புங்கள்.அவர்களை உயர்த்திய பெருமை கிடைக்கும்.
உடலில் போதிய சத்துக்கள் இல்லாத காரணத்தினால், சிலர் குட்டையாக போதிய உயரமின்றி காணப்படுகின்றனர்.

 அவ்வாறு குட்டையாக இருப்பது பிடிக்காத காரணத்தினால், அவர்கள் நிறைய உடற்பயிற்சிகள், கடைகளில் விற்கும் சில உயரத்தை அதிகரிக்கும் பொருட்களை வாங்கி சாப்பிடுகின்றனர். இருப்பினும் எந்த ஒரு பலனும் இல்லாமல், தோல்வியை தான் சந்திப்பர். இத்தகைய உயரப் பிரச்சனை இருப்பதற்கு உடலில் உள்ள உடல் வளர்ச்சியை அதிகரிக்கும் பிட்யூட்டரி சுரப்பியிலிருந்து சுரக்கும் ஹார்மோனின் அளவு மிகவும் குறைவாக இருப்பது காரணமாகும்.

மேலும் உடலில் போதிய புரோட்டீன் மற்றும் ஊட்டச்சத்துக்கள் இல்லாததால், வளர்ச்சி மிகவும் குறைவாக இருக்கிறது. இதற்கு ஒரு சில உணவுகளை உண்டால் உடல் உயரம் அதிகரிக்கும் என்று சொன்னால் நம்பமுடியாது தான்.

 ஆனால் அந்த சத்துக்களை உடலில் செலுத்துவதற்கு ஒரே முறை உணவு தான்.
ஆகவே அத்தகைய புரோட்டீன் மற்றும் வைட்டமின்கள் நிறைந்த உணவுகளை சாப்பிட்டு, உடலில் உள்ள உயரத்தை அதிகரிக்கும் ஹார்மோனின் அளவை அதிகரிப்போம்.
 இப்போது அந்த உணவுகள் என்னவென்று பார்ப்போம்.
  

விட்டமின் ஏ சத்து உடலில் உள்ள எலும்புகளில் கால்சியத்தை தங்க வைத்து, எலும்புகளுக்கு வலுவை தருகிறது. மேலும் விட்டமின் ஏ உணவுகள் பார்வை குறைபாட்டை சரிசெய்து, சருமத்தை அழகாக்குகிறது.
இதற்கு கீரைகள், பீட்ரூட், கேரட், பப்பாளி, தக்காளி, ஆப்ரிக்காட் போன்றவற்றை அதிகம் சாப்பிட வேண்டும். அதிலும் முக்கியமாக தக்காளி, கேரட், பீட்ரூட்டை அடிக்கடி ஜூஸ் போட்டு குடிப்பது நல்லது.

புரோட்டீன் உணவுகளை அதிகம் சாப்பிட்டால், உடலில் உள்ள பழுதடைந்த திசுக்கள் சரியாவதோடு, புதிய செல்கள் உருவாகவும் உதவுகிறது. மேலும் புரோட்டீன் உணவுகளில் அமினோ ஆசிட் அதிகம் இருப்பதால், உடலில் சரியான வளர்ச்சி கிடைக்கும். ஆகவே அதற்கு புரோட்டீன் உணவுகளான பால், சீஸ், மீன், சிக்கன், ஓட்ஸ், சோயா பீன்ஸ் போன்றவற்றை உணவில் சேர்க்க வேண்டும்.

  உயரமாவதற்கு விட்டமின் டி சத்து மிகவும் அவசியமானது.
 வைட்டமின் டி அதிகம் உள்ள உணவுகளை சாப்பிட வேண்டும். இதனால் எலும்புகள் நன்கு வளர்ச்சியடையவதோடு, வலுவடையவும்.
எனவே விட்டமின் டி நிறைந்த உணவுகளான காளான், மீன், தானியங்கள், முட்டை, சோயா பால் மற்றும் பாதாம் போன்றவற்றை சாப்பிட வேண்டும்.

எலும்புகளுக்கு கால்சியம் மிகவும் முக்கியமானது. ஏனெனில் இந்த சத்து தான் எலும்புகளின் வளர்ச்சிக்கு பெரும் காரணமாக இருக்கிறது. ஆகவே பால் பொருட்களான பால், சீஸ், தயிர் மற்றும் முட்டை போன்றவற்றை தினமும் சாப்பிட்டால், உடல் உயரம் அதிகரிக்கும்.
 மேலும் இந்த உணவுகள் நன்கு சுவையோடு இருப்பதோடு, ஆரோக்கியத்தையும் தரும்.

கனிமச்சத்துக்கள் எலும்பு திசுக்களின் வளர்ச்சியை அதிகரித்து, உடலில் இரத்த ஓட்டத்தை சீராக்குகிறது.
ஆகவே உடல் உயரத்தை இயற்கையாக அதிகரிக்க கனிமச்சத்துக்கள் நிறைந்துள்ள உணவுகளான பச்சை பட்டாணி, பிராக்கோலி, கீரைகள், முட்டைகோஸ், பூசணிக்காய், கேரட், பருப்பு வகைகள், வாழைப்பழம், திராட்சை போன்றவற்றை உணவில் அதிகம் சேர்க்க வேண்டும்.
இவைகளை சாப்பிட்டும் வளரவில்லை என்றால் கோபம் கொள்ள வேண்டாம் .உங்கள் ஜீனில்[தலை எழுத்து ?] எழுதியது படிதானே நடக்கும்.
கவலையை விடுங்கள் வளர்ந்ததால் என்ன சாதிக்கப் போகிறோம்.?லால் பகதூர் சாஸ்திரி,அண்ணா எல்லாம் என்ன  உயரமானவர்களா.உயர்நிலையில் இருக்கவில்லையா?

http://suransukumaran.blogspot.in/2013/07/blog-post_4.html