வெளிநாட்டிற்கு படிக்கச் செல்பவரா நீங்கள்?

வெளிநாட்டிற்கு படிக்கச் செல்பவரா நீங்கள்?

வெளிநாட்டிற்கு படிக்கச் செல்லும் மாணவர்கள் பலரும், கடைசிநேர நெருக்கடிகளுக்குள்ளாகி, வாய்ப்பை கோட்டைவிடும் நிலை வரை செல்வது பாஸ்போர்ட் விஷயத்தில்தான். ஏனெனில், பல மாணவர்கள், தங்களின் பாஸ்போர்ட் என்ன நிலையில் இருக்கிறது, அதன் செல்லத்தக்க காலம் எவ்வளவு? என்பன போன்ற விஷயங்களை கவனிக்கத் தவறி விடுகின்றனர்.
செல்லத்தக்க காலம் முடிந்துபோதல், பாஸ்போர்ட் மோசமாக சேதமடைந்திருத்தல் உள்ளிட்ட பல காரணங்களால், அவர்களுக்கு கிடைத்த பல அரிய வாய்ப்புகள் நழுவி விடுகின்றன. பாஸ்போர்ட் விஷயத்தில் கவனிக்க வேண்டிய இன்னொரு முக்கிய விஷயம், அதிலிருக்கும் புகைப்படம். பல வருடங்களுக்கு முன்பாக அது எடுக்கப்பட்டிருந்தால், கட்டாயம் மாறுதல் தேவை. ஏனெனில் அதில் நீங்கள் சிறுவனாகவோ அல்லது சிறுமியாகவோ இருப்பீர்கள். இப்போது, உங்களின் தோற்றம் மிகவும் மாறுபட்டிருக்கும்.

பாஸ்போர்ட் மற்றும் விசா விஷயத்தில் கவனிக்க வேண்டிய முக்கிய அம்சங்கள்
நீங்கள் விசாவிற்கு விண்ணப்பிக்கும்போது, உங்களின் பாஸ்போர்ட் குறைந்தபட்சம் 6 மாதங்கள் செல்லத்தக்கதாக இருக்க வேண்டும். பல நாடுகளில் இதுதான் நடைமுறை.
தேர்வு முடிவுகள் வெளியாகி, சேர்க்கைக் கிடைப்பது 100% உறுதியான பிறகுதான், விசா நடைமுறைப் பணிகளைத் துவங்க வேண்டும் என்று பல மாணவர்கள் நினைக்கிறார்கள். ஆனால் இது தவறு. பல நாடுகள், அவற்றின் மாணவர் விசாவுக்காக விண்ணப்பித்தலை, குறைந்தபட்சம், படிப்பு தொடங்குவதற்கு 3 மாதங்களுக்கு முன்னதாக அனுமதிக்கின்றன. வெளிநாட்டுப் பயணத்திற்கான ஏற்பாடுகளை குறைந்தது 6 மாதங்களுக்கு முன்பாகவே துவங்க வேண்டும். அதன்மூலம், உங்களின் விசாவுக்கான ஏற்பாடுகளை முறையாக மேற்கொள்ள முடியும்.

அப்படியே நம்பிவிட வேண்டாம்
மாணவர் விசா விண்ணப்பத்திற்கு தேவையான ஆவணங்களை சரியான முறையில் சேகரித்து வைத்துக் கொள்ளவும். விசா விதிமுறைகள் அவ்வப்போது மாறிக் கொண்டிருக்கும். எனவே, சில வருடங்களுக்கு முன்பாக அல்லது ஒரு வருடத்திற்கு முன்பாக வெளிநாட்டிற்கு படிக்க சென்ற உங்களின் நண்பர்கள் கூறுவதை அப்படியே நம்பிவிட வேண்டாம். ஏனெனில், அவர்கள் அவ்வப்போது மாறிக்கொண்டிருக்கும் விதிமுறைகள் பற்றி முழுமையாக அறிந்திருப்பார்கள் என்பதற்கு உத்தரவாதமில்லை.
எனவே, ஒரு சிறந்த வழிமுறை என்னவெனில், நீங்கள் எந்த நாட்டிற்கு கல்வி கற்பதற்காக செல்ல விரும்புகின்றீர்களோ, அந்த நாட்டின் குடியேற்ற மற்றும் கல்வி தொடர்பான இணையதளத்திற்கு சென்று, விதிமுறைகள், தேவைப்படும் ஆவணங்கள் மற்றும் சமீபத்திய மாற்றங்கள் பற்றி அறிந்துகொள்ளவும்.

எந்த ஆலோசகரை நாடலாம்?
வெளிநாட்டு கல்வி தொடர்பாக ஆலோசனை வழங்க, ஏராளமான ஆலோசகர்கள் கடைவிரித்து காத்துக் கொண்டுள்ளார்கள். ஆனால், யாரை நம்புவது? யார், வாங்கும் கட்டணத்திற்கு முறையாக சேவை செய்கிறார்கள் என்பதை எப்படி அறிவது? ஒரு ஆலோசகர் நல்லவரா என்பதை, அவரால் ஏற்கனவே பயன்பெற்ற நபர்கள் சொல்வதை வைத்தும், அவரின் தொழில்ரீதியிலான சாதனை மற்றும் அனுபவத்தை வைத்தும் நம்பலாம்.
மேலும், நீங்கள் படிக்கச்செல்லும் கல்வி நிறுவனத்தின் இணையதளம் சென்றால், அதிலேயே, அவர்களின் அங்கீகாரம் பெற்ற ஆலோசகர்களின் விபரங்கள் இருக்கும். அதன்மூலம் பயன்பெறலாம். தொலைக்காட்சியில் பேட்டி வருகிறது என்பதற்காகவோ, அதிகளவில் விளம்பரங்கள் தருகிறார்கள் என்பதற்கோ, யாரையும் நம்பிவிட வேண்டாம்.

நீங்களே பொறுப்பு
வெளிநாட்டுக் கல்விக்கென்று நீங்கள் சமர்ப்பிக்கும் விண்ணப்பம் மற்றும் ஆவணங்களில் கூறப்படும் தகவல்களின் நம்பகத்தன்மைக்கு முற்றிலும் நீங்களே பொறுப்பு. அதில் எந்த சிறு தவறு நேர்ந்தாலும், உங்களின் பொன்னான வாய்ப்பு பறிபோய்விடும்.
எனவே, அந்த செயலை மேற்கொள்ளும் முன்பாக, சரியான நபர்களிடம் ஆலோசனைக் கேட்டு, நுணுக்கமாகவும், சிறப்பாகவும் செய்து முடித்தல் வேண்டும். இதற்கு நீங்களே 100% பொறுப்பு.

விசா விபரங்கள்
பல நாடுகளில், மாணவர் விசா என்பது, ஒரு குறிப்பிட்ட பல்கலையில், குறிப்பிட்ட படிப்பிற்காக வழங்கப்படுகிறது. உங்களது பாஸ்போர்ட்டில் ஒட்டப்பட்ட மாணவர் விசாவில், நீங்கள் அந்நாட்டில் நுழையும் தேதி குறிப்பிடப்படும்.

சரி பார்க்கவும்
விசாவைப் பெற்றவுடன், அதில் ஏதேனும் பிழைகள் இருக்கிறதா என்பதை சரிபார்க்கவும். பதிவுக்காக, அதை ஸ்கேன் செய்து நகலெடுக்கவும். ஏதேனும் ஒரு காரணத்திற்காக, நீங்கள் பல்கலையை மாற்ற விரும்பினால், தூதரகத்திடம் அது தொடர்பாக தெரிவித்து, முறையான மாற்றங்களை செய்து கொள்ள வேண்டும்.
பல நாடுகள் multiple - entry student விசாவை வழங்குகின்றன. இதன்மூலம், ஒரு மாணவர், தான் படிக்கும் காலத்தில் எத்தனை முறை வேண்டுமானாலும் அந்த நாட்டிற்குள் சென்று வரலாம். ஆனால் சில நாடுகள், single - entry விசாவை வழங்குகின்றன. எனவே, தேவைப்படும்போது அதைப் புதுப்பித்துக்கொள்ள வேண்டும்.

போர்ட் ஆப் என்ட்ரி
நீங்கள் முதன்முதலில் ஒரு நாட்டிற்கு படிக்கச் செல்கையில், அந்நாட்டில் எந்த விமான நிலையத்தில் முதலில் தரையிறங்குகிறீர்களோ, அந்த இடம்தான் Port of entry எனப்படும். அந்த இடத்தில்தான் immigration மற்றும் customs நடைமுறைகள் பின்பற்றப்படுகின்றன.

விசா விண்ணப்பத்திற்கு தேவையானவை
பல்கலையிடமிருந்து, பொருத்தமான அசல் சேர்க்கை ஆவணங்கள்
அசல் கல்விச் சான்றிதழ்கள்(அது ஆங்கிலத்தில் இல்லையெனில், மொழிபெயர்ப்பு தேவை)
அசல் தேர்வு முடிவுகள்
அங்கீகரிக்கப்பட்ட வங்கிகளிலிருந்து பெறப்பட்ட நிதி ஆவணங்கள்
வங்கிக் கடன்
தங்குமிடம்
அட்வான்ஸ் ட்யூஷன் டெபாசிட் சான்று
உதவித்தொகை கடிதம்
புகைப்படங்கள்

விசா கட்டணங்கள்

http://pettagum.blogspot.in/2012/11/blog-post_16.html

--

இது என் இறைவனின் அருட்கொடையிளிருந்து அருளப்பட்டது www.sahabudeen.com

அல்லாஹ் முஃமின்கள் மீது பேரன்புகொண்டவன்

அல்லாஹ் முஃமின்கள் மீது பேரன்புகொண்டவன்

 

அல்லாஹ் மிகப்பெரும் கருணையாளன், நீதியாளன். அல்லாஹ் வெருமனே முஃமின்களை சோதித்துவிட்டு இருந்துவிடுவதில்லை. மாறாக அதற்கான பரிசுகளையும் வழங்கும் இறைவன் நம்மீது பேரன்பும், நிகரற்ற கருணையும் வைத்துள்ளான் என்பதற்கு கீழ்க்காணும் நபிமொழிகள் (ஹதீஸ்குத்ஸி) சான்று பகர்கின்றன.

அல்லாஹ்வின் தூதர் முஹம்மது நபி ஸல்லல்லாஹு அலைஹி வஸல்லம் அவர்கள் கூறியதாக அபுஹுரைரா ரளியல்லாஹு அன்ஹு அவர்கள் அறிவிக்கின்றார்கள். அல்லாஹ் கூறுகிறான்:

"என்னுடைய அடியான் என்னைப்பற்றி நினைக்கின்ற விதத்தில் நான் உள்ளேன். அவன் என்னைப் பற்றி அவனது மனதிற்குள் நினைவு கூர்ந்தால், நானும் அவனைப் பற்றி எனது மனதிற்குள் நினைவு கூர்கிறேன்.

அவன் என்னை ஒரு சபையில் நினைவு கூர்ந்தால், நானும் அவர்களை விட மேலான வானவர்கள் நிறைந்த சபையில் அவனை நினைவு கூறுகிறேன்.

அவன் என்னை நோக்கி ஒரு சான் அளவு நெருங்கி வந்தால், நான் அவனை நோக்கி ஒரு முழம் அளவு நெருங்குவேன்.

அவன் என்னை நோக்கி ஒரு முழம் அளவிற்கு நெருங்கி வந்தால், நான் அவனை நோக்கி ஒரு பாகம் நெருங்கிச் செல்வேன்.

என்னை நோக்கி அவன் நடந்து வந்தால், அவனை நோக்கி நான் ஓடிச் செல்வேன்." (நூல்: புகாரி, முஸ்லிம்)

அல்லாஹ்வின் தூதர் முஹம்மது நபி ஸல்லல்லாஹு அலைஹி வஸல்லம் அவர்கள் கூறியதாக அபூதர் அல் கிஃபாரி ரளியல்லாஹு அன்ஹு அவர்கள் அறிவிக்கிறார்கள்:

அல்லாஹ் கூறினான்;

o 'அடியார்களே! அநீதி இழைப்பதை என் மீது ஹராம் ஆக்கியுள்ளேன். (நீங்கள்) உங்களுக்கிடையே ஒருவருக்கொருவர் அநீதி இழைப்பதையும் தடை செய்துள்ளேன். எனவே, ஒருவர் மற்றவருக்கு அநீதி இழைக்காதீர்கள்.

o என் அடியார்களே! உங்களில் நான் நேர்வழி காட்டியவர்களைத்தவிர மற்றவர்கள் அனைவரும் வழி கேட்டிலுள்ளீர்கள். எனவே என்னிடம் நேர் வழியை வேண்டுங்கள். நான் உங்களுக்கு நேர்வழியைக் காட்டுவேன்.

o என் அடியார்களே! உங்களில் நான் உணவளித்தவர்களைத் தவிர மற்றவர்கள் அனைவரும் பசியுடன் இருக்கின்றீகள். எனவே என்னிடம் உணவை வேண்டுங்கள். நான் உங்களுக்கு உணவளிப்பேன்.

o என் அடியார்களே! உங்களில் நான் ஆடையளித்தவர்களைத் தவிர மற்றவர்கள் அனைவரும் ஆடையின்றி உள்ளீர்கள். எனவே என்னிடம் ஆடையை வேண்டுங்கள். நான் உங்களுக்கு ஆடை அணிவிப்பேன்.

o என் அடியார்களே! நீங்கள் இரவும், பகலும் பாவம் செய்கின்றீர்கள். நான் பாவங்கள் அனைத்தையும் மன்னிப்பேன். எனவே என்னிடம் பாவமன்னிப்பை தேடுங்கள். நான் பாவங்களை மன்னிப்பேன்.

o என் அடியார்களே! எனக்கு நன்மையோ, தீமையோ செய்வதற்கு உங்களால் கண்டிப்பாக முடியாது. அவ்வாறு இயன்றால் அல்லவா எனக்கு நன்மையோ, தீமையோ செய்வீர்கள்.

o என் அடியார்களே! முதலானவருக்கும், இறுதியானவருக்கும், மனிதர்களுக்கும், ஜின்களுக்கும், உங்களிலே மிகவும் பயபக்தியுடையவருடைய இருதயம் இருந்த போதிலும், எனது சாம்ராஜியத்தில் அவர்களால் எதனையும் அதிகரித்து விட முடியாது.

o என் அடியார்களே! முதலானவருக்கும், இறுதியானவருக்கும், மனிதர்களுக்கும், ஜின்களுக்கும், உங்களிலே மிகவும் கொடியவருடைய இருதயம் இருந்த போதிலும், எனது சாம்ராஜியத்தில் அவர்களால் எதனையும் குறைக்க முடியாது.

o என் அடியார்களே! முதலானவருக்கும், இறுதியானவருக்கும், மனிதர்களுக்கும், ஜின்களுக்கும், ஓர் இடத்தில் நின்று கொண்டு என்னிடம் (எதையாவது) வேண்டினால், நான் அவர்களில் ஒவ்வொருவருக்கும் அவர்கள் வேண்டியதை கொடுத்தாலும், என்னிடமுள்ளவற்றுக்கு, ஒரு ஊசியைக் கடலில் முக்கி எடுத்தால் ஏற்படும் இழப்பைவிட அதிகமான இழப்பு ஏற்படாது.

o என் அடியார்களே! நிச்சயமாக நான் உங்களுடைய செயல்களைக் கொண்டே அடையாளம் காண்பேன். பிறகு அவைகளுக்கு கூலியும் வழங்குவேன். எனவே (மறுமையில் தனக்கு) நன்மையைக் காண்பவன் அல்லாஹ்வாகிய என்னை புகழட்டும். இதற்கு மாறாக காண்பவன், தன்னைத் தானே பழித்துக் கொள்ளட்டும். (நூல்: முஸ்லிம்)

--

இது என் இறைவனின் அருட்கொடையிளிருந்து அருளப்பட்டது www.sahabudeen.com

தீமை தீயினும்தீது.

தீமை தீயினும்தீது.

ஆபூ ஆஷிக்

[கேட்டால்''எல்லாம் அல்லாஹ் பார்த்துக் கொள்வான்''.அவனுடைய தீனை மட்டும்உங்களைப் பார்த்துக் கொள்ளச் சொல்லியிருக்கிறானா?!

நபிமார்களும் இந்தப் பணியைத்தான் செய்தார்கள். நன்மையை மட்டும் ஏவி இருந்தால், தீமையை தடுக்காமல் இருந்திருந்தால் எந்த நபிக்கும் அடி விழுந்திருக்காது. எந்த நபியும் கொலை செய்யப்பட்டிருக்க மாட்டார்கள்.

அந்த நபிமார்களுடைய வேலையைச் செய்வதாகச் சொல்லும் நீங்கள் எங்கேயாவது அடி வாங்கி இருக்கிறீர்களா? எப்படி வாங்குவீர்கள். நீங்கள் தான் எந்த தீமையையும் தடுப்பதில்லையே!]

இமாம் தொழுகை முடிந்து துஆ ஓதி முடிந்ததும் நண்பர் எழுந்து சென்றுஒரு புத்தகத்தைவாசிக்க ஆரம்பித்தார்….

பள்ளிக்கு வெளியே வந்ததும் அந்த நண்பரிடம், "பாய் பள்ளியிலும் இந்த கிதாபை படிக்கச் சொல்றீங்க வீட்டிலும் அதையே படிக்கச் சொல்றீங்க. அதைப்படிச்சு அறிவு வளரும்னு சொல்லாம பரக்கத் வரும்னு வேறு சொல்றீங்க!எதுக்காக குர்ஆனை இருட்டடிப்பு செய்யறீங்க?"என்று கேட்டேன்.

"இல்லை பாய்! நீங்க சொலறது தப்பு. குர்ஆனை படிச்சா எல்லாருக்கும் புரியாது.(!) அது ஆலிம்களுக்கும் பெரியார்களுக்கும் மட்டும் தான் புரியும். அதனாலதான் அதனுடைய சாராம்சத்தை எடுத்து கிதாபிலே தந்திருக்காங்க." அவர்.

"அல்லாஹ் – நீங்கள் புரிந்து கொள்ளும் பொருட்டே இந்த வேதத்தை நாம் எளிமையாக்கி இருக்கிறோம். இதன் மூலம் அறிவு பெறுவார் உண்டா?"என்று கேட்கிறான். நீங்க என்னடான்னா குர்ஆன் புரியாதுன்னு சொல்லி புதுசு புதுசா கதை விடுறீங்க.

எம்பெருமானார் முஹம்மதுநபி ஸல்லல்லாஹு அலைஹி வஸல்லம் அவர்கள் பல அற்புதங்களை நிகழ்த்தி காட்டியும் கூட அவற்றைக் கொண்டு அவர்கள் ஒரு போதும் மிகையாகச் சொல்லவில்லை. மதத்தைப் பரப்ப அந்த அற்புதங்களை துணைக்கு அழைக்கவில்லை.

"ஒவ்வொரு நபிமார்களுக்கும் அல்லாஹ் ஒவ்வொரு அற்புதங்களை கொடுத்திருக்கிறான், எனக்கு வழங்கப்பட்ட அற்புதம் இந்த குர்ஆன்தான்" என்றார்கள். அத்தகைய அற்புதமாகிய குர்ஆனை விட்டு விட்டு எதற்காக மிகைப்படுத்தப்பட்ட கதைகளை படித்துக் கொண்டிருக்கிறீர்கள்."

"பாய், மொத்தத்திலே இந்த வேலையோட நோக்கம் என்னன்னா மக்களை பள்ளியோட தொடர்புள்ளவங்களா மாத்தனும். எல்லாரும் தொபு ஆரம்பிச்சுட்டாங்கன்னா தீமையே இல்லாம போயிடும். எல்லா முஸ்லிம்களும் சொர்க்கத்துக்கு போகனும். அதுக்காக சில விஷயங்களை கொஞ்சம் மிகைப்படுத்தி சொல்லி இருப்பாங்க அவ்வளவுதான்" என்றார்.

"சரி எல்லாரும் தொழ ஆரம்பிச்சுட்டாங்கன்னா தீமையே இருக்காதாக்கும்?"

"தொழுகையாளிகளே தப்பு செய்றாங்களே!

தொழுகையாளி சகுணம் பார்க்கிறார். குறி கேட்கிறார், திருஷ்டி கழிக்க வீட்டிலே, கடையிலே சூடம் கொளுத்துகிறார்!

தொழுகையாளி அல்லாஹ் அல்லாதவருக்காக நேர்ச்சை செய்கிறார். தர்காக்களுக்கு சென்று ஆடு அறுக்கிறார். பிள்ளைகளுக்கு மொட்டை போடுகிறார். இந்த வைபவங்களிலெல்லாம் இன்னபிற தொழுகையாளிகளும் கலந்து கொள்கிறார்கள். நபிமார்களுடைய வேலையைச் செய்வதாகச் சொல்லிக் கொள்ளும் நபர்களும் பங்கெடுக்கிறார்கள்!

தொழுகையாளி புதிதாக வீடுகட்டும் பணி ஆரம்பிக்கும் முன்னர் பூமி பூஜை செய்கிறார்! வாஸ்து பார்த்து வீடு கட்டுகிறார். புது வீட்டில் குடி புகுமுன் வனதேவதைகளை திருப்திபடுத்த "கழிப்பு" கழிக்கிறார்! (புதிதாக கட்டப்படும் பள்ளிவாசல்களிலேயே மேற்பழ சமாச்சாரங்கள் நடப்பதாக கேள்வி)

ஏதாவது பூச்சிக் கடித்துவிட்டால் பூசாரியிடம் போய் ஓதிப்பார்க்கும் தொழுகையாளி இருக்கிறார்!

தொழுகையாளி வதந்தியை பரப்புகிறார். பள்ளிக்குள்ளேயே உட்கார்ந்து யார் யாரோடு ஓடிப்போனார்கள் என்பது போன்ற வீணான பேச்சுகளில் ஈடுபடுகிறார்!

தொழுகையாளி தன்மகன் திருமணத்திற்கு வரதட்சணை வாங்குகிறார். அந்தப் பணத்தை அந்த ஊரிலே உள்ள இமாம் அல்லது முக்கியஸ்தர் பெண்ணின் தந்தையிடம் வாங்கி மாப்பிள்ளையின் தந்தையிடம் ரொம்பவும் பவ்யமாக கொடுப்பார். இந்த கேடுகெட்ட நிகழ்ச்சியிலே தொபுகையாளிகள் கலந்து கொள்கிறார்கள். இந்நிகழ்ச்சி புனிதம் ஏற்ற முடிவிலே இமாம் அவர்களால் துஆவும் ஓதப்படுகிறது!

தொழுகையாளி தன் மகளின் பூப்பனித நீராட்டு விழாவுக்கு கார்டு அடித்து விருந்து கொடுக்கிறார்! இமாம் உட்பட தொழுகையாளிகள் யாவரும் அதில் கலந்து கொள்கிறார்கள்!

தொழுகையாளி வியாபாரத்தில்; பொய் பேசுகிறார். 100 ரூபாய் பொருளை 300 ரூபாய்க்கு விற்கிறார். கேட்டால் இஸ்லாத்தில் லாபம் எவ்வளவு வேண்டுமானாலும் வைத்து விற்கலாம் என்கிறார்! (இமாம்களே! அப்படியா?)

தொழுகையாளி திருட்டு சி.டி. விற்கிறார்! குருவியாகப் பறந்து அண்ணிய செலவாணி மோசடி செய்கிறார். வணிகவரி, சொத்துவரி, வருமானவரி ஏய்ப்பு செய்கிறார். பொய்க்கணக்கு காட்டுகிறார்! (ஜக்தாத் வரியை முறையாக செலுத்தச் சொல்லும் உலமாக்கள் வணிகவரி, வருமானவரி, சொத்துவரிகளை முறையாகக் கட்டச்சொல்லி பயான் செய்வதில்லையே! ஏன்?)

தொழுகையாளி அரசாங்கம் மானிய விலையிலே தரக்கூடிய பொருட்களை வாங்கி கூடுதல் விலைக்கு விற்கிறார்! (நிறைய பள்ளிவாசல்களிலே அரசாங்கம் மானிய விலைக்கு தரக்கூடிய கஞ்சி அரிசியை வாங்கி வெளியே விற்றுவிடுகிறார்கள் என்ற தகவலும் உண்டு)

தொழுகையாளி போக்குவரத்து விதிகளை மீறி வாகனம் ஓட்டுகிறார்!

மேற்சொன்ன மோசடிகளிலே மாட்டிக்கொள்ளும் போது அதிகாரிகளுக்கு லஞ்சம் கொடுத்து தப்பிக்கப் பார்க்கிறார்! லஞ்சம் கொடுப்பதை குர்ஆன் தடுக்கவில்லையா?

தொழுகையாளி தன் பிள்ளைக்கு பயண டிக்கெட் வாங்க கண்டக்டரிடம் பொய் சொல்கிறார்!

இப்படியாக சொல்லிக் கொண்டே போகலாம்.

"நீங்கள் சொல்வது மாதிரி மேற்சொன்ன தீமைகளை தடுக்கவில்லையே ஏன்? காரணம் நிறையபேருக்கு மேலே சொல்லப்பட்டவை முதலில் தீமைகள் தானா? என்பதே தெரியவில்லை".

இத்தனையும் சொன்ன பிறகும் நண்பர் மீண்டும் ஆரம்பித்தார்.

"பாய் நன்மையை நீங்க ஏவினாலே போதும்; தீமை தன்னால் அழிந்துவிடும். ஓரிடத்திலே இருட்டாக இருக்கிறது என்று வைத்துக் கொள்ளுங்கள். அதைப் போக்க அங்கே ஒரு விளக்கை மட்டும் வைத்தாலே போதும். இருள் போய் விடும் இல்லையா? என்று நண்பர் ஒரு உதாரணத்தையும் சொன்னார். (விளக்கை ஏற்றி வைத்தால் மட்டும் போதாது. சில நேரம் லேசாக காற்று வீசினால் கூட அந்த விளக்கொளியும் அனைந்து விடும்.. அந்த இடர்களை தடுக்கத்தான் தடுப்புச் சுவராக அரிக்கேன் விளக்கில் கண்ணாடி பொருத்தப்படுகிறது. தீமையை தடுக்கும்போதுதான் நன்மையை ஏவியதற்கான முழு ரிசல்ட்டையும் பெறமுடியும். – adm)

"சரி பாய்… ஓரிடத்திலே முட்செடியாக இருக்கிறது என்று வைத்துக்கொள்வோம். அந்த இடத்திலே காய்கறிச் செடி நட வேண்டும்… என்ன செய்யனும்? அந்த முட்புதரை அழித்துவிட்டு காய்கறிச் செடிகளை நட வேண்டுமா? அல்லது அந்த முட்புதருக்கு பக்கத்திலே காய்கறிச் செடியை நட்டால் போதுமா? என்றேன்.

"நிச்சயமாக தொழுகை மானகேடான மற்றும் அருவருக்கத்தக்க செயல்களை விட்டும் தடுக்கிறது" குர்ஆன் (29:45) நிச்சயமாக தொழுகை தவறான செய்கைகளைவிட்டும் மனிதனை தடுக்கும் என்றாலும் நம்முடைய தொழுகையின் லட்சணத்தைப் பொருத்தல்லவா அதனுடைய பலாபலன் இருக்கும். அதனால் தான் வல்லோன் அல்லாஹ் அதே குர்ஆனிலே"நன்மையின் பக்கம் அழைக்கக்கூடிய ஒரு குழுவினர் உங்களிலே அவரசியம் இருக்க வேண்டும் அவர்கள் நன்மையை ஏவ வேண்டும். தீமையை தடுத்துக் கொண்டே இருக்க வேண்டும். எவர்கள் இதைச் செய்கிறார்களோ அவர்களே வெற்றியாளர்கள்.." (குர்ஆன் 3: 104)

நபிமார்களும் இந்தப் பணியைத்தான் செய்தார்கள். நன்மையை மட்டும் ஏவி இருந்தால், தீமையை தடுக்காமல் இருந்திருந்தால் எந்த நபிக்கும் அடி விழுந்திருக்காது. எந்த நபியும் கொலை செய்யப்பட்டிருக்க மாட்டார்கள். அந்த நபிமார்களுடைய வேலையைச் செய்வதாகச் சொல்லும் நீங்கள் எங்கேயாவது அடி வாங்கி இருக்கிறீர்களா? எப்படி வாங்குவீர்கள். நீங்கள் தான் எந்த தீமையையும் தடுப்பதில்லையே!

"ஜிஹாதிலே சிறந்த ஜிஹாது அநியாயக்கார ஆட்சியாளனிடம் அவனது அநியாயத்தை எடுத்துரைப்பதுதான்" என்பது நபிமொழி. இந்த நாட்டிலே எத்தனை எத்தனை அநியாயக்கார ஆட்சியாளர்கள் வந்தார்கள், போனார்கள் இருந்து கொண்டும் இருக்கிறார்கள். யாரிடத்திலாவது ஏதாவது சொல்லி இருப்பீர்களா? நீங்கள் நினைத்தால் எந்தவித விளம்பரமும் இல்லாமல் லட்சக்கணக்கானனோரை திரட்டி விட முடிகிறது. அந்த மக்களை மோசமான ஆட்சியாளர்களுக்கு எதிராக நபி நாயகம் ஸல்லல்லாஹு அலைஹி வஸல்லம் நீதியிலே என்றைக்காவது பயன்படுத்தியிருக்கிறீர்களா? அப்படி பயன்படுத்தலாம் என்ற சிந்தனையாவது உங்களுக்கு இருக்கிறதா? நீங்கள் ஓட்டே போடுவதில்லையே! அப்புறம் உங்களிடம் ஜனங்களைப் பற்றியும் ஜனநாயகத்தைப் பற்றியும் எங்கே கவலை இருக்கப் போகிறது.

கேட்டால்"எல்லாம் அல்லாஹ் பார்த்துக் கொள்வான்".அவனுடைய தீனை மட்டும்உங்களைப் பார்த்துக் கொள்ளச் சொல்லியிருக்கிறானா?

தீமையை செய்யாமல் மட்டும் இருந்தால் போதாது. அதைத் தடுக்காமல் இருந்தாலும் எல்லாருக்கும் தண்டனையுண்டு என்பதே இறைச்செய்தி. இதே கருத்தை எம்பெருமானார் ஸல்லல்லாஹு அலைஹி வஸல்லம் அவர்கள் அழகான உதாரணம் மூலம் சொன்னார்கள்.

"ஒரு கப்பலிலே கீழ்தளத்தில் கொஞ்சம் பேரும் மேல் தளத்திலே கொஞ்சம் பேரும் பயணம் செய்கிறார்கள். கீழ் தளத்திலே உள்ளவர்கள் கப்பலிலே ஓட்டை போட்டுக் கொண்டிருக்கிறார்கள். ஓட்டை விழுந்துவிட்டால் கப்பலிலே தண்ணீர் வந்துவிடும். தண்ணீர் வந்தால் நமக்கென்ன? கீழ்த்தளத்தில் உள்ளவர்கள்தானே மூழ்குவார்கள் என்று மேல்தளத்தில் உள்ளவர்கள் எண்ணினால் நிலைமை என்னவாகும். கீழ்தளம் மூழ்கி, மேல்தளமும் மூழ்கி அப்புறம் கப்பலே மூழ்கிவிடாதா? இந்த கதை தான் இன்று நடக்கிறது.

இந்த சமூகத்துக்கு வரும் கேடும் கெடுதியும் தீமையை தடுக்காததன் விளைவே! வருடம் தோறும் லட்சக்கணக்கிலே மக்கள் புனித ஹஜ்ஜிலே கூடுகிறார்கள். அங்கே துஆக்கள் கபுலாகும் இடங்கள் இருக்கத்தானே செய்கின்றன. அங்கெல்லாம் துஆ கேட்பவர்களில் ஒருத்தர் கூடவா இந்த சமுதாயத்துக்கு ஏற்பட்டிருக்கும் அவல நிலையை போக்க துஆ கேட்பதில்லை. யோசிக்க வேண்டும். தீமையை தடுக்க முயற்சி செய்யாதவரை எத்தனைபேர் துஆ கேட்டாலும் சரி எத்தனை "அபூர்வ துஆ" நடத்தி எத்தனை மணிநேரம் துஆ கேட்டாலும் சரிதான் பலன் பூஜ்ஜியமே!

"என்னபாய்! இதெல்லாம் கொலை கொள்ளை அளவுக்கு பெரிய பாரதூரமான விஷயமா? இதைப் போய் பெரிசுப்படுத்தறீங்களே?"

ஹஜ்ஜத்துல் விதாவிலே தனது கடைசிப் பேருரையிலே எம்பெருமானார் சொன்னது என்ன தெரியுமா..! நீங்கள் சாத்தானிடம் எச்சரிக்கையாக இருங்கள். அவன் உங்களை அவனை வணங்குமாறு செய்துவிடுவான் என்று நான் அஞ்சவில்லை. ஆனால் சின்ன சின்ன பாவங்களை செய்ய வைத்தே உங்களை வழி கொடுப்பான் என்றே நான் அஞ்சுகிறேன்" என்றார்களே. "இப்போது சொல்லுங்க பாய் சின்ன சின்ன பாவங்களையும் நாம தடுக்கனுமா வேண்டாமா?".

தீமையை தடுப்பதென்றால் ஆளுக்கொரு வாளையும், கட்டையையும் எடுத்துக்கொண்டு செல்லச் சொல்லவில்லை. அதற்கும் சில வரையரைகளை தந்திருக்கிறது மார்க்கம்.

"தீமையை உங்களுக்கு சக்தி இருந்தால் கரத்தால் தடுங்கள். இல்லையென்றால் வாயால் தடுங்கள். அதற்கும் உங்களுக்குச் சக்தியில்லை என்று சொன்னால் அந்த தீமையை மனதால் வெறுத்து அதைவிட்டும் ஒதுங்கி விடுங்கள்;. இதுதான் ஈமானின் கடைசி நிலை என்றார்கள் எம்பெருமானார் முஹம்மது நபி ஸல்லல்லாஹு அலைஹி வஸல்லம் அவர்கள்.

உங்களிடம் எவ்வளவு சக்தி இருக்கிறது என்பதை நீங்களே தீர்மானித்துக் கொள்ளுங்கள். குறைந்த பட்சம் தீமையை மனதால் வெறுத்து ஒதுக்கும் கடைசி நிலையையாவது நாம் கை கொள்ள வேண்டும்.

www.nidur.info

--

இது என் இறைவனின் அருட்கொடையிளிருந்து அருளப்பட்டது www.sahabudeen.com

மென்மையான கைகள் வேண்டுமா…

மென்மையான கைகள் வேண்டுமா…

மென்மையான மற்றும் மிருதுவான சருமத்தை விரும்பாதவர்கள் யாரும் இருக்க முடியாது. உடலில் மிகவும் அழகான பகுதி கைகள் என்றே கூறலாம். ஆனால், கைகள் பராமரிப்பிற்கு அவ்வளவாக யாரும் முக்கியத்துவம் கொடுப்பதில்லை.

பாத்திரங்கள் கழுவுதல், துணி துவைத்தல் உட்பட பல வேலைகளுக்கு கைகளையே பயன்படுத்துகிறோம். இந்த செயல்களுக்கு ரசாயனங்கள் கலந்த பொருட்களை பயன்படுத்திய பின் சன்ஸ்கிரீன் போன்றவற்றை உபயோகிக்க தவறி விடுகிறோம். இதன் விளைவாக, கைகளில் வறட்சி, அரிப்பு, வெடிப்பு, ரத்தம் கசிதல் மற்றும் வலி ஆகியவை ஏற்படுகின்றன. எனினும், கைகளை பராமரிக்க போதிய கவனம் செலுத்தினால், இவற்றை தவிர்க்க முடியும். அதற்காக சில டிப்ஸ் கள் இதோ…

கைகள் பராமரிப்பு:

முகத்தில் காணப்படும் தோலைப் போலவே, கைகளின் பின்புறம் காணப்படும் தோலும் மிகவும் மென்மையானது. எனவே, முகத்தைப் போலவே, கைகளுக்கும் அதிக கவனம் செலுத்தி பராமரிக்க வேண்டும். குறிப்பாக, கைகளில் ஏற்படும் ஈரப்பதம் இழப்பை ஈடு செய்ய, மாய்ச்சரைசர் கிரீம் போன்றவற்றை பயன்படுத்துவதோடு, ரசாயனங்கள் நேரடியாக கைகளில் படுவதையும் தவிர்க்க வேண்டும்.

*ஒவ்வொரு வாரத்தின் இறுதியிலும், வெது வெதுப்பான நீரில் சிறிதளவு உப்பு கலந்து அதில் கைகளை மூழ்குமாறு, 15 நிமிடங்கள் வைத்திருக்க வேண்டும். அதன்பின் கைகளை நன்றாக துடைத்துவிட்டு, கைகளுக்கான கிரீம் தடவ வேண்டும். இது கைகளின் தோலுக்கு ஊட்டமளிக்கும். கிரீம்கள் தடவிய பின், அவற்றின் மேலே கையுறைகள் அணிந்து கொள்வது நல்லது.

*கைகளின் தோல் மிகவும் வறட்சியாக <உடையவர்கள், மேலே சொன்ன படி கைகளை கழுவிய பின், ஹேண்ட் கிரீமை அடர்த்தியாக, தடவ வேண்டும். பின், அதன் மேல் மெல்லிய துணியை போர்த்தி, சூடான பாரபின் மெழுகை ஊற்ற வேண்டும். பாரபின் மெழுகின் சூட்டால், ரத்த ஓட்டம் அதிகரித்து, தோலில் காணப்படும் துளைகள் விரிந்து ஹேண்ட் கிரீம் சிறப்பாக உறிஞ்சப்படும்.

* கைகளில், இறந்த செல்களை நீக்க கரகரப்பான கிரீம்கள் (எக்ஸ்போலியன்ட்) தடவி அவற்றை நன்கு தேய்க்க வேண்டும். பின், சிறிது நேரம் கழித்து அவற்றை கழுவிய பின், மிதமான ஹேண்ட் வாஷ் தடவ வேண்டும்.

அவற்றை மிதமான தண்ணீரால் கழுவ வேண்டும். இதனால் கைகளில் ரத்த ஓட்டம் சீராகும். மிருதுவான துணியால் கைகளை துடைத்த பின், ஹேண்ட் லோஷன் தடவ வேண் டும். கைகளை சிறந்த முறையில் பராமரிக்க வாரத்திற்கு ஒரு முறையாவது இவ்வாறு செய்தால், நல்ல பலன் கிடைக்கும்.

மிகவும் குளிர்ந்த பிரதேசத்தில் வசிப்பவர்கள், கைகளுக்கு கம்பளி உறைகள் அணிந்து, கைகளை பாதுகாத்துக் கொள்ள வேண்டும்.

சன்ஸ் கிரீன்: வயதாவதால், தோலில் சுருக்கம் மற்றும் கோடுகள் போன்றவை ஏற்படும். சூரியனின் தீங்கு விளைவிக்கும் கதிர்கள் நேரடியாக தோலில்படுவதால், விரைவிலேயே வயதான தோற்றம் ஏற்படுகிறது. இவற்றில் இருந்து சன்ஸ்கிரீன்கள் பாதுகாப்பு அளிக்கின்றன. எனவே, தினமும் சன்ஸ்கிரீன் பயன்படுத்துவதால், இவை, தடுக்கப்படும்.

http://www.saalaram.com

--
*more articles click*
www.sahabudeen.com

எந்த எண்ணெய் நல்ல எண்ணெய்?

எந்த எண்ணெய் நல்ல எண்ணெய்?

எந்த எண்ணெய் நல்ல எண்ணெய்? என்கிற தேடல் காலங்காலமாகத் தொடர்ந்து கொண்டே இருக்கிறது. தினம் ஒன்றாக சந்தைக்கு வரும் ஒவ்வொரு புது எண்ணெயுமே 'ஆரோக்கியத்துக்கு உத்தரவாதம்' என விளம்பரப்படுத்திக் கொள்ள, மக்களின் குழப்பம் இன்னும் அதிகமானதுதான் மிச்சம்.இந்தக்  குழப்பத்துக்கு விடை காண்பதற்கு முன், எண்ணெய் நல்லதா, கெட்டதா, அது ஏன் அவசியம் என்கிற தகவல்களைத் தெரிந்து கொள்வோம்.

எண்ணெய் என்பது கொழுப்பு... கொழுப்பு ஏன் தேவை?

உடலுக்குத் தேவையான சக்தி கிடைக்க, செல்களின் வளர்ச்சிக்குத் தேவையான அமினோ அமிலத்தைக் கொடுப்பதற்கு, உள் உறுப்புகளைப்

பாதுகாப்பதற்கு...

புரதத்திலும் மாவுச் சத்திலும் உள்ளதைப் போல 2 மடங்கு ஆற்றல், கொழுப்பில் இருந்து கிடைக்கிறது. ஒரு கிராம் புரதத்தில் கிடைப்பது 4 கலோரிகள்  என்றால் அதே அளவு கொழுப்பிலோ 9 கலோரிகள்!  கண்ணுக்குத் தெரிந்தது, கண்ணுக்குத் தெரியாதது என கொழுப்பில் 2 வகை. எண்ணெய், நெய்,  வெண்ணெய் என எல்லாம் கண்ணுக்குத் தெரிந்து நாம் எடுத்துக்கொள்கிற கொழுப்பு. அரிசி, பருப்பு, முட்டை, மீன், இறைச்சி, எண்ணெய் வித்துகள்  போன்ற உணவுகளின் மூலம் உடலுக்குள் சேர்வது கண்ணுக்குத் தெரியாத கொழுப்பு. இது தவிர, சாச்சுரேட்டட் மற்றும் அன்சாச்சுரேட்டட் என  கொழுப்பை இன்னும் 2 வகைகளாகப் பிரிக்கலாம். விலங்குக் கொழுப்பில் சாச்சுரேட்டட் வகை மிக அதிகம். இந்த வகைகொழுப்பு உடல்நலத்துக்கு  நல்லதல்ல. ஆனாலும், கொழுப்பில் கரையும் வைட்டமின்களான ஏ மற்றும் டி-யை நம் உடலுக்கு உறிஞ்சிக் கொடுக்கும் வேலையை இந்த வகைக் கொழுப்புகளே செய்கின்றன. அன்சாச்சுரேட்டட் அல்லது பாலி அன்சாச்சுரேட்டட் வகையை நல்ல கொழுப்பு என்கிறோம். ரத்தக்குழாய்களில் கொழுப்பு  படியாமல் செய்வது இதுவே. தாவரக் கொழுப்பு எல்லாமே அன்சாச்சுரேட்டட் வகையறாதான். வனஸ்பதி மட்டும் விதிவிலக்கு. அதனால், அதை  அதிகம் எடுத்துக் கொள்வதைத் தவிர்க்க வேண்டும். வனஸ்பதி மட்டுமல்ல... அறை வெப்ப
நிலையில் கெட்டியாகக் கூடிய எந்த வகை எண்ணெய் வகைகளும் ஆரோக்கியத்துக்கு நல்லதில்லை.

பெயர்               கொழுப்பின் அளவு (100 கிராமில்)    ஆற்றல்    மினரல்ஸ்
வெண்ணெய் நெய்    81 கிராம்    729 கிலோ கலோரிகள்    2.5 கிராம்
பாமாயில்                  100 கிராம்    900 கிலோ கலோரிகள்    800 ணுரீ அல்லது னீநீரீ பீட்டா கேரட்டின் (வைட்டமின் ஏ)
வனஸ்பதி
மற்றும்
இதர
சமையல்
எண்ணெய்கள்    100 கிராம்    900 கிலோ கலோரிகள்    இல்லை

எந்த எண்ணெயில் என்ன இருக்கிறது?

பாமாயில்

1 கிராம் பாமாயிலில், 800 µg அல்லது mcg  பீட்டா கேரட்டின் (வைட்டமின் ஏ) உள்ளது. ஆனாலும், அந்த எண்ணெயில் உள்ளது சாச்சுரேட்டட்  கொழுப்பு என்பதால் தொடர்ந்து உபயோகிக்க முடியாது.

சூரியகாந்தி எண்ணெய்

பாலி அன்சாச்சுரேட்டட் கொழுப்பு அதிகம் என்பதால், இது உபயோகத்துக்கு ஏற்றது.

கடலை எண்ணெய்

பாலி அன்சாச்சுரேட்டட் கொழுப்பு மிதமாக உள்ளது. ஆனாலும், ரத்தக் குழாய்களில் கொழுப்பு படியச் செய்வதில் இதற்கும் பங்குண்டு. பாமாயில்  அளவுக்குக் கெடுதலானது அல்ல.

தவிட்டு எண்ணெய்
ரைஸ் பிரான் எண்ணெய் எனக் கேள்விப்படுகிறோமே... அதுதான் தவிட்டு எண்ணெய். இதய நோயாளிகளுக்கு மிக நல்லது.

நல்லெண்ணெய்

இதுவும் பாலி அன்சாச்சுரேட்டட் வகையைச் சேர்ந்தது. ரத்தத்தில் உள்ள கெட்ட கொழுப்பைக் கரைத்து, நல்ல கொழுப்பாக மாற்றும் தன்மை  கொண்டது.

ஆலிவ் ஆயில்

இதய நோயாளிகளுக்கு ஏற்றது. இதை சூடுபடுத்தக் கூடாது. பொரிக்க, வறுக்கப் பயன்படுத்த முடியாது. சாலட்டுக்கு உபயோகிக்கலாம்.

தேங்காய் எண்ணெய்

சாச்சுரேட்டட் கொழுப்பு அதிகமுள்ளதால், ஆரோக்கியத்துக்கு ஏற்றதல்ல.

கடுகு எண்ணெய்

ஆன்ட்டி ஆக்சிடெண்ட் அதிகமுள்ளது. ஆன்ட்டி பாக்டீரியல் தன்மையும் கொண்டது. இதயத்துக்கு நல்லது.  கடுமையான வாசம் காரணமாக, நம்மூர்  மக்களுக்கு இந்த எண்ணெய் பிடிப்பதில்லை. வட இந்திய மக்கள், கடுகு எண்ணெயை அதிகம் பயன்படுத்துகிறார்கள்.

ஒரு நாளைக்கு எவ்வளவு எண்ணெய்?

ஒருவருக்கு ஒரு நாளைக்கு 15 முதல் 20 கிராம் எண்ணெய் போதுமானது. அந்த அளவு அதிகமாகும்போது, ரத்தத்தில் சேரும் கொழுப்பின் அளவும்  அதிகமாகும். ஒரு நாளைக்கு ஒருவருக்குத் தேவையான 1,800 கலோரி உணவில், 30 சதவிகிதம் கொழுப்பு இருக்கலாம். அந்த 30 சதவிகிதமும்  நல்ல கொழுப்பிலிருந்து கிடைப்பதாக இருக்க வேண்டும். அதாவது உணவிலிருந்து கிடைக்கும் கொழுப்பாக இருப்பது நல்லது. மற்றபடி எண்ணெய்,  வெண்ணெய், நெய் போன்றவற்றிலிருந்து கிடைக்கும் நேரடிக் கொழுப்பு 15 முதல் 20 சதவிகிதத்தை மிஞ்சாமலிருப்பதுதான் சரி.

உபயோகித்த  எண்ணெயா..? உஷார்!

பொரிக்கவோ, வறுக்கவோ ஒரு முறை பயன்படுத்திய எண்ணெயை திரும்பத் திரும்ப உபயோகிக்கக்கூடாது. அப்படிப் பயன்படுத்துவதால்,  'டிரான்ஸ்ஃபேட்டி ஆசிட்' அதிகமாகி, அது ரத்தக்குழாய்களில் கொழுப்பாகப் படியும். புற்றுநோய்க்குக்கூட காரணமாகலாம் என்கிறார்கள். அதனால்,  கொதிக்க வைத்த எண்ணெயை, அதற்கடுத்த 2 நாள்களுக்குள் தாளிப்பதற்கு மட்டும் பயன்படுத்தித் தீர்க்கலாம் அல்லது கொட்டி விடலாம்.  பொரிப்பதற்கு எப்போதும் குறைவான எண்ணெயே உபயோகிக்கவும். இந்த விஷயத்தில் மிச்சம் பிடிப்பதாக நினைத்துக் கொண்டு, ஆரோக்கியக்  கேட்டை விலைக்கு வாங்க வேண்டாம்!

எப்படி உபயோகிக்க வேண்டும்?

நல்லெண்ணெய், தவிட்டு எண்ணெய், சூரியகாந்தி எண்ணெய் - இந்த 3 எண்ணெய் களையும் சம அளவில் கலந்து உபயோகிக்கலாம் அல்லது 2  மாதங்களுக்கு ஒரு எண்ணெய் என மாற்றி மாற்றி உபயோகிக்கலாம். ஒரே எண்ணெயை வருடக்கணக்கில் உபயோகிப்பதைத் தவிர்க்கவும்.

கிழங்கு சமைப்பதென்றால், லிட்டர் லிட்டராக எண்ணெயைக் கொட்டி வறுத்தும் பொரித்தும்தான் செய்ய வேண்டும் என்றில்லை. உருளைக்கிழங்கு,சேனைக்கிழங்கு, கருணைக்கிழங்கு என எல்லாவற்றையும் மசியலாகச் செய்து சாப்பிடலாம். நான்ஸ்டிக் கடாயில் செய்தால்  எண்ணெய் செலவு குறையும். லேசாக தண்ணீர் தெளித்துச் செய்தாலும் அதிக எண்ணெய் குடிக்காது.

எந்தக் காய்கறியை சமைத்தாலும், முதலில் ஆவியில் வேக வைத்து விட்டு, பிறகு தாளிப்பதற்கு
மட்டும் எண்ணெய் உபயோகிக்கலாம்.

தோசை ஊற்றும் போது அந்தக் காலத்தில் செய்தது போல கல்லை, துணியால் துடைத்து விட்டு செய்தால் எண்ணெய் செலவு குறையும்.தோசை  ஊற்றியதும், அதை மூடி வைத்து வேக விட்டாலும் எண்ணெய் அதிகம் தேவைப்படாது.

http://pettagum.blogspot.in/2013/09/blog-post_8319.html

--

இது என் இறைவனின் அருட்கொடையிளிருந்து அருளப்பட்டது www.sahabudeen.com

சிகரெட் பிடித்து உதடு கருப்பாக உள்ளதா? இத ட்ரை பண்ணுங்க…

புகைப்பிடித்தல் உடலுக்கு மட்டும் கேடு விளைவிப்பதில்லை, அழகிற்கும் தான். அதிலும் எப்போதும் முகத்தை கண்ணாடியில் பார்க்கும் போது கருமையான உதட்டைப் பார்த்து கவலைப்படுகிறீர்களா? அப்படியெனில் முதலில் சிகரெட் பிடிப்பதை அறவே தவிர்க்க வேண்டும். ஏனெனில் கருமையான உதடுகள் ஏற்படுவதற்கு முக்கிய காரணம் சிகரெட் தான். அதிலும் இத்தகைய கருமையான உதடுகள் ஏற்படுவதற்கு நீண்ட நாட்களாக சிகரெட் பிடிப்பதே காரணம்.
ஏனெனில் சிகரெட்டில் உள்ள நிக்கோட்டின் என்னும் அல்கலாய்டு தான், உதடுகளை கருமையாக்குகின்றன. அதுமட்டுமின்றி, சிகரெட் பிடிக்கும் போது, இரத்தக் குழாய்கள் கடினமாகி, ஆக்ஸிஜனை எடுத்துத் செல்லும் இரத்த அணுக்களின் அளவும், இரத்த ஓட்டமும் குறைந்து, முகம் மற்றும் உதட்டிற்கு செல்லும் சீரான இரத்த ஓட்டம் தடைபட்டு, நிறமானது மங்கிவிடுகிறது. மேலும் சிலருக்கு முகத்தில் வறட்சியுடன், சருமமானது வெளுத்து, ஆங்காங்கு ஒருவித புள்ளிகளுடன் இருக்கும். இதற்கு சிகரெட்டின் இருக்கும் நிக்கோட்டின் இரும்புச்சத்து உடலில் உறிஞ்சுவதை தடுத்து, சருமத்தின் இயற்கையான நிறத்தை இழக்கச் செய்கிறது.
எனவே இத்தகைய பிரச்சனைகள் அனைத்தையும் தடுப்பதற்கு முதலில் சிகரெட் பிடிப்பதை தவிர்த்து, உதட்டின் கருமையைப் போக்கும் ஒருசில நல்ல பலனைத் தரும் இயற்கைப் பொருட்களை பயன்படுத்த வேண்டும். அந்த பொருட்கள் என்னவென்று பட்டியலிட்டுள்ளோம், அதைப் படித்து தெரிந்து கொண்டு, அதனை தவறாமல் பின்பற்றி வந்தால், உதட்டில் உள்ள கருமை நீங்கி, உங்கள் துணையிடம் நீங்கள் போய் முத்தம் கேட்பது போய், அவர்களே வந்து முத்த மழையைப் பொழிவார்கள்.

தேன்

மருத்துவ குணம் அதிகம் நிறைந்த தேனும் உதட்டில் உள்ள கருமையை போக்க உதவும். அதற்கு பாதாம், ஓட்ஸ், எலுமிச்சை சாறு மற்றும் தேன் ஆகியவற்றை நன்கு அரைத்து, உதட்டில் தடவி 5 நிமிடம் ஊற வைத்து, பின் நீரில் அலச வேண்டும். இதனை தொடர்ந்து செய்து வந்தால், உதட்டில் உள்ள இறந்த செல்கள் நீங்கி, உதடு பொலிவாக இருக்கும்.

பாதாம் பால்/பாதாம் எண்ணெய் தினமும் உதட்டிற்கு பாதாம் பால் அல்லது பாதாம் எண்ணெயை பலமுறை தடவ வேண்டும். இதனால் சிகரெட் பிடிப்பதால் ஏற்படும் வறட்சியின் காரணமாக உண்டாகும் கருமை நிறத்தை மாற்றலாம்

மாதுளை மாதுளை சாற்றினை தினமும் இரவில் படுக்கும் போது தடவி வந்தால், உதட்டில் உள்ள கருமையை போக்கலாம்.

எலுமிச்சை எலுமிச்சை ஒரு சிறந்த ப்ளீச்சிங் பொருள். இத்தகைய எலுமிச்சையின் சாற்றை மட்டும் உதட்டில் தடவி 4-5 நிமிடம் மசாஜ் செய்து, குளிர்ந்த நீரில் கழுவி, இறுதியில் லிப்-பாம் போட்டுக் கொண்டால், உதட்டில் இருக்கும் கருமை நீங்கும்.

தயிர்

பொதுவாக கருமையைப் போக்க தயிர் சிறந்த பொருள். அதிலும் உதட்டில் உள்ள கருமையை போக்குவதற்கு, தயிரை உதட்டில் தடவி, மசாஜ் செய்து ஊற வைத்து, பின் குளிர்ந்த நீரில் கழுவ வேண்டும். இதனை தொடர்ந்து செய்து வந்தால், நாளடைவில் உதட்டில் உள்ள கருமை நீங்கி, மென்மையாக இருக்கும்.

வெண்ணெய் கருமையான உதடுகள் இருப்பதற்கு வறட்சியும் ஒரு காரணம். எனவே வறட்சியைப் போக்குவதற்கு உதட்டிற்கு வெண்ணெய் தடவி வந்தால், உடனே உதட்டின் வறட்சி நீங்கி, நிறம் மாறுவதைக் காணலாம்.

கிளிசரின் கிளிசரின் ஒரு லிப்-பாம் போன்றது. எனவே கெமிக்கல் கலந்த லிப்-பாமை பயன்படுத்துவதற்கு பதிலாக, கிளிசரினைத் தடவி வந்தால், கிளிசரின் உதட்டை நீண்ட நேரம் ஈரப்பசையுடன் வைத்து, உதட்டின் கருமையையும் போக்கும்.

சர்க்கரை உதட்டிற்கு ஸ்கரப் செய்வதற்கு சர்க்கரை சிறந்த பொருள். அதிலும் சர்க்கரையை தேனுடன் சேர்த்து கலந்து, ஸ்கரப் செய்தால், சர்க்கரை உதட்டில் உள்ள இறந்த செல்களை நீக்கியும், தேன் ஈரப்பசையையும் கொடுக்கும்.

பீட்ரூட் பீட்ரூட் உதட்டில் உள்ள கருமையை தற்காலிகமாக மறைக்கவும், நிரந்தரமாக போக்கவும் உதவும் ஒரு பொருள். அதற்கு தினமும் பீட்ரூட் துண்டை உதட்டில் தேய்த்து, சிறிது நேரம் ஊற வைத்து, பின் கழுவினால், உதடு நாளடைவில் அழகான நிறத்தை பெறும்.

எலுமிச்சை சாறு மற்றும் கிளிசரின் உதட்டின் கருமையைப் போக்குவதற்கு இருக்கும் சிறந்த வழிகளுள் ஒன்று, எலுமிச்சை சாறு மற்றும் கிளிசரினை சரிசமமாக எடுத்துக் கொண்டு, அதனை நன்கு கலந்து, ஒரு வாரத்திற்கு தொடர்ந்து தினமும் தடவி வந்தால், உதட்டில் உள்ள கருமை நீங்கி, உதடு மென்மையாகும். மேலும் இந்த கலவையை முகத்திற்கும் பயன்படுத்தலாம்.

ஆப்பிள் சீடர் வினிகர் உதட்டின் கருமையைப் போக்க ஆப்பிள் சீடர் வினிகர் பெரிதும் உதவியாக உள்ளது. அதிலும் தினமும் இரண்டு முறை, ஆப்பிள் சீடர் வினிகரை உதட்டின் மீது தேய்த்து, ஊற வைத்து கழுவினால், நல்ல தீர்வை தராவிட்டாலும், உதட்டில் உள்ள கருமையை மறைய வைக்கும்.

ரோஜாப்பூ ரோஜாப்பூவின் இதழை அரைத்து, அதில் சிறிது தேன் சேர்த்து கலந்து, குளிர வைத்து, பின் அதனை தினமும் உதட்டிற்கு தடவி வந்தால், இது உதட்டிற்கு லிப்-பாம் போன்று இருப்பதோடு, நல்ல தீர்வையும் தரும்

http://yarlosai.com/?p=49354

--
*more articles click*
www.sahabudeen.com